Chhatrapati Sambhajinagar News: महाराष्ट्र लोकसेवा आयोगातर्फे (एमपीएससी) घेण्यात आलेल्या दिवाणी न्यायाधीश कनिष्ठ स्तर व न्यायदंडाधिकारी प्रथम वर्ग परीक्षा २०२२ (जेएमएफसी)ची सर्वसाधारण गुणवत्ता यादी जाहीर झाली. यात शेतकरी कुटुंबातील बीडची ऋचा विठ्ठल कुलकर्णी राज्यात पहिली आली.
कनिष्ठ दिवाणी न्यायाधीश व न्यायदंडाधिकारी प्रथम वर्ग परीक्षा २०२२ ची परीक्षा कोरोनामुळे लांबणीवर पडली होती. कोरोनानंतर ९ सप्टेंबर २०२३ ला परीक्षा झाली. २४ ऑगस्ट २०२४ ला मुख्य परीक्षा झाली. त्यातील ३४३ उमेदवारांची मुलाखतींसाठी निवड झाली होती.
१७ ते २९ मार्च या काळात मुलाखती पार पडल्या. शनिवारी (ता. २९) अंतिम निकाल जाहीर झाला. त्यात ११४ जणांची दिवाणी न्यायाधीश कनिष्ठ स्तर व न्यायदंडाधिकारी प्रथम वर्ग पदासाठी तात्पुरती निवड झाल्याची सर्वसाधारण गुणवत्ता यादी जाहीर झाली. अंतिम निवड यादी लवकरच एमपीएससी जाहीर करणार आहे.
पहिल्या दहांमध्ये नऊ मुली
या निकालात पहिल्या दहा टॉपर्समध्ये नऊ मुलींचा समावेश आहे. बीडची ऋचा विठ्ठल कुलकर्णीने पहिल्याच प्रयत्नात मोठे यश मिळविले. ऋचा कुलकर्णी राज्यात पहिली आली आहे. सायली संपत झांबरे द्वितीय, किरण संभाजी मुळीक ही तिसरी आली. शिवाणी रामनाथ फाडोळ, तन्वी रहेमान शेख, सोनिया अविनाश गंधले, तनुज रमेश कुसारे, सुवर्णा विनायक शास्त्री, वंदना अरविंद चामले, किरण शांताप्रसाद वर्मा, विपुल एकनाथराव गुंजाळ, अनिकेत लिंबाराव कोकरे आदींचा पहिल्या नऊमध्ये समावेश आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.