Solapur News : नुकत्याच जाहीर झालेल्या केंद्रीय लोकसेवा आयोगाच्या (यूपीएससी) निकालात देवडी (ता. मोहोळ) येथील अश्पाक मुलाणी यांची कॉर्पोरेट व्यवहार मंत्रालय विभाग, दिल्ली येथील गंभीर फसवणूक तपास कार्यालयात सहायक संचालक (एसएफआयओ) म्हणून देशात सातव्या क्रमांकाने निवड झाली आहे.
या निकालात या पदावर विराजमान होणारा महाराष्ट्रातून तो एकमेव विद्यार्थी ठरला आहे. अश्पाकचे माध्यमिक शिक्षण देवडी येथील महात्मा गांधी विद्यालयात झाले आहे.
त्यानंतर त्यांनी उच्च माध्यमिक शिक्षण नेताजी ज्युनिअर सायन्स कॉलेज, मोहोळ येथून पूर्ण केले. अश्पाक यांच्या वडिलांना घरच्या शेतीला दुग्धव्यवसायाची जोड दिली आहे.
अश्पाक यांचे आजोबा रसूल मुलाणी यांना आपल्या नातवाने परंपरागत मटण विक्रीचा व्यवसायात न करता उच्च शिक्षण घेऊन मोठा अधिकारी व्हावे असे वाटायचे. त्यासाठी ते कायम अश्पाक यांना शिक्षणाचे महत्त्व सांगत असत. देवडी गावातील सामान्य कुटुंबातील अश्पाकने यूपीएससी परीक्षेत देशपातळीवर सातवा क्रमांक घेत ‘एसएफआयओ’ या पदी विराजमान होऊन यशाला गवसणी घातली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.