Solapur News : उजनीतील मृतसाठा आता उणे ३७ टक्क्यांवर असून पावसाळ्यापर्यंत धरणातील पाणी पिण्यासाठीच राखीव ठेवण्यात आले आहे. जिल्ह्यातील तीव्र पाणीटंचाईवर उपाय म्हणून पाण्याचा अतिरिक्त उपसा होऊ नये, यासाठी विजेचे खास वेळापत्रक तयार करण्यात आले असून, उजनी जलाशय परिसरातील वीजपुरवठ्यासाठी सहा तास, नदी काठावरील वीजपुरवठा चार तास आणि नद्यांवरील बंधारा परिसरात दोन तास केला जातो आहे.
दरम्यान, आता उजनी धरणातून शेतीसाठी पाणी सोडता येणार नाही. पाणीपातळी खोलवर गेल्याने कॅनॉल, उपसा सिंचन योजनेतून पाणी सोडण्याचा पर्याय संपला आहे. आता पावसाळ्याशिवाय शेतीसाठी पाणीच नाही, अशी सद्य:स्थिती आहे.
तीव्र उन्हामुळे होणारे बाष्पीभवन, ४७ योजनांचा पाणीपुरवठा, यामुळे आठ ते दहा दिवसाला एक टीएमसी पाणी संपत आहे. सध्या धरणातील मृतसाठा ४४.२२ टीएमसीपर्यंत असून, त्यात सहा टीएमसीपर्यंत गाळ आहे.
त्यामुळे ३८ टीएमसी पाण्यातील काही पाणी राष्ट्रीय हरित लवादाच्या निर्बंधामुळे उपसा करता येत नाही. दुसरीकडे धरण उणे ६५ टक्क्यांवर गेल्यास धरणावर अवलंबून बहुतेक योजना बंद पडतात. त्यामुळे यंदाच्या उन्हाळ्यात पाण्याची काटकसर आतापासूनच करावी लागणार आहे. पावसाळा अजून किमान अडीच महिने दूर आहे. त्यावर उपाय म्हणून पाण्याचा अतिरिक्त उपसा होऊ नये, यासाठी वीजेचे हे वेळापत्रक तयार करण्यात आले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.