Manikrao Kokate : कृषिमंत्र्यांच्या रमी प्रकरणात राष्ट्रवादी कॉंग्रेसला पहिला दणका बसला आहे. छावा संघटनेच्या प्रदेशाध्यक्षाना मारहाण प्रकरणात राष्ट्रवादी युवक कॉंग्रेसचे प्रदेशाध्यक्ष सुरज चव्हाण यांच्या पदाचा राजीनामा घेण्याचे आदेश राज्याचे उपमुख्यमंत्री अजित पवारांनी आज (ता.२१) एक्सवर पोस्ट करत दिले आहेत.
राष्ट्रवादी कॉंग्रेसचे प्रदेशाध्यक्ष सुनील तटकरे यांच्या रविवारी कृषिमंत्री कोकाटे यांच्या राजीनाम्या मागणी करून पत्ते फेकल्याच्या रागातून छावा संघटनेचे प्रदेशाध्यक्ष विजयकुमार घाडगे-पाटील यांना बेदम मारहाण केली. या मारहाणीनंतर छावा संघटनेकडून आक्रमक पवित्रा घेण्यात आला. तसेच राज्यात विविध ठिकाणी आंदोलन करण्यात आली. प्रकरण चांगलंच तापल्यामुळे पक्षाचे राष्ट्रीय अध्यक्ष अजित पवारांनी सुरज चव्हाण यांचा तातडीने राजीनामा घ्यायच्या स्पष्ट सूचना दिल्या आहेत.
अजित पवारांनी एक्स पोस्टमध्ये लिहिलं, "काल लातूरमध्ये घडलेल्या अत्यंत गंभीर आणि निषेधार्ह घटनेच्या पार्श्वभूमीवर, मी राष्ट्रवादी युवक काँग्रेसचे प्रदेशाध्यक्ष सूरज चव्हाण यांना त्यांच्या पदाचा त्वरित राजीनामा द्यायच्या स्पष्ट सूचना दिल्या आहेत. पक्षाच्या मूल्यांच्या विरोधात जाऊन केले जाणारे वर्तन कोणत्याही स्थितीत स्वीकारले जाणार नाही, यासाठी हा कठोर निर्णय घेतला आहे."
कृषिमंत्री माणिकराव कोकाटे यांचा विधीमंडळात ऑनलाईन रमी खेळत असतानाचा व्हिडीओ काल व्हायरल झाला. त्यावरून राज्यभरात शेतकऱ्यांसह विरोधकांनी संताप व्यक्त केला. याच दरम्यान, राष्ट्रवादी कॉंग्रेसचे प्रदेशाध्यक्ष सुनील तटकरे लातूर दौऱ्यावर होते.
यावेळी छावा संघटनेने प्रदेशाध्यक्ष विजयकुमार घाडगे-पाटील यांनी तटकरे यांची भेट घेऊ कृषिमंत्री कोकाटे यांच्या राजीनाम्याची मागणी केली. तसेच तटकरे यांच्या समोर पत्ते फेकत घोषणाबाजी केली. त्यामुळे राष्ट्रवादी युवक काँग्रेसचे प्रदेशाध्यक्ष सूरज चव्हाण यांनी विजयकुमार घाडगे पाटील यांना बेदम मारहाण केली. त्यामुळे सर्वच स्तरातून प्रचंड टीका करण्यात आली.
त्यानंतर राष्ट्रवादी युवक काँग्रेसचे प्रदेशाध्यक्ष सूरज चव्हाण यांनी प्रकरणावर भूमिका मांडताना सोशल मिडीयावर दिलगिरी व्यक्त केली. आमच्या नेत्यांबद्दल अत्यंत घाणरडे उल्लेख करत शिवीगाळ छावा संघटनेच्या प्रदेशाध्यक्षाने केल्याचे चव्हाण म्हणाले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.