Ahilyanagar News : जिल्हा परिषदेच्या कृषी विभागातून देण्यात येणाऱ्या विविध योजनांतील लाभार्थ्यांना साहित्य खरेदीसाठी अनुदान देण्यासाठी स्वनिधीतून तरतूद करण्यात आली. त्याच्या लाभार्थ्यांची निवड सोडत पद्धतीने केली जाणार आहे. अर्ज स्विकृतीसह सोडतीबाबत वेळापत्रक निश्चित केले आहे.
जिल्हा यासाठी साधारणपणे ८७ लाखाचा निधी आहे. ड्रोन फवारणी यंत्र आणि स्लरी फिल्टर उपकरणासाठी अनुदान देण्याची महत्वकांक्षी योजना जिल्हा परिषदेच्या स्वनिधीतून राबवणारा अहिल्यागर हा राज्यातील पहिलाच जिल्हा आहे.
जिल्हा परिषदेच्या स्वनिधीतून लाभ देण्यासाठी सर्वच विभागासाठी तरतूद केली जाते. योजनेतून फवारणी यंत्र, सोलर दिवे, ताडपत्री, शेती औजारे यासारख्या अनेक बाबीसाठी अनुदान दिले जायचे.
आता त्यात बराच बदल केला असून या योजना बंद करुन यंदा ड्रोन फवारणी यंत्र, स्लरी फिल्टर उपकरणासाठी अनुदान देण्याची योजना सुरु केली आहे. जिल्हा परिषदेत कृषी विभागासाठीही बऱ्यापैकी तरतूद असून आता ८७.५० लाखाच्या रकमेसाठी लाभार्थ्यांची निवड करण्याचे वेळापत्रक कृषी विभागाने जाहीर केले आहे.
यात प्रमुख्याने ड्रोन फवारणी यंत्र पुरवठा करण्यासाठी सर्वाधिक ७० लाखाची तरतूद असून प्रत्येकी ५ लाखाचे अनुदान दिले जाणार आहे. त्यामुळे १२ लाभार्थ्यांना याचा लाभ मिळेल. शेतकऱ्यांकडून कडबाकुट्टी यंत्राला कायम अधिक मागणी असते.
यंदा कडबाकुट्टीसाठी ५ लाखाची तरतूद असून प्रती लाभार्थ्यांना किमतीच्या ५० टक्के किंवा प्रती लाभार्थी ९ हजाराचे अनुदान दिले जाते. या रकमेतून साधारण ५५ शेतकऱ्यांना अनुदानाचा लाभ मिळेल.
सेंद्रिय शेतीकडे शेतकऱ्यांचा कल वाढला असल्याने यंदा कृषी विभागाने स्लरी फिल्टर उपकरणासाठी अनुदान देण्याची योजना आणली असून किमतीच्या पन्नास टक्के किंवा प्रती उपकरण वीस हजार अनुदान दिले जाणार आहे. यासाठी तरतूद असलेल्या रकमेतून ६२ शेतकऱ्यांना लाभ मिळेल.
योजनेतून अनुदान देण्यासाठी शेतकऱ्यांनी अर्ज करण्याबाबत कृषी विभागाने वेळापत्रक जाहीर केले आहे. १४ आॅगस्टपर्यत पंचायत समिती स्तरावर अर्ज घेतले जाणार असून १८ ते २२ ऑगस्ट या काळात आलेल्या अर्जाची छाननी, २६ ते २८ ऑगस्ट या तीन दिवसाच्या काळात त्या-त्या पंचायत समिती कार्यालयात कृषी विभागाच्या अधिकाऱ्यांच्या उपस्थितीत सोडत काढून लाभार्थी यादी जाहीर करत २९ ऑगस्टला पात्र लाभार्थ्यांना पूर्वसंमती पत्र दिले जाईल.
कृषी विभागाच्या योजनांनिहाय तरतूद
कडबाकुट्टी ः ५ लाख
स्लरी फिल्टर उपक्रम ः १२.५० लाख
शेतकरी उत्पादक कंपन्यांसाठी ड्रोन ः ७० लाख
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.