Pomegranate Rate : आळेफाटा येथे ७ हजारांना डाळिंबाचे एक क्रेट

Alephata News : ‘‘आळेफाटा बाजार समितीत गुरुवारी (ता. २५) डाळिंबाच्या २० किलोच्या एका क्रेटला ७ हजार रुपयांचा उच्चांकी भाव मिळाला आहे,’’ अशी माहिती अध्यक्ष संजय काळे यांनी दिली. या वेळी संचालक नबाजी घाडगे, सचिव रूपेश कवडे, व्यवस्थापक प्रशांत महाबरे उपस्थित होते. .

जुन्नर कृषी उत्पन्न बाजार समितीत असणाऱ्या उपबाजारात कांद्याप्रमाणे आता डाळिंबाचे दररोज लिलाव होऊ लागले आहेत. यामध्ये गुरुवारी एक नंबर डाळिंबास २० किलोच्या एका क्रेटला तब्बल ७ हजार रुपयांचा दर मिळाला आहे.

त्या खालोखाल दोन नंबरच्या एका क्रेटला ५ हजार रुपये, तीन नंबरच्या वीस किलोच्या क्रेटला ४ हजार रुपये, तर चार नंबरच्या क्रेटला ३ हजार रुपयांचा दर मिळाला. या वेळी मार्केटमध्ये १००६ क्रेट डाळिंबांची आवक झाली.

या बाजार समितीत पारनेर, संगमनेर, श्रीगोंदा, कर्जत, जामखेड, शिरूर, नगर या ठिकाणांहून शेतकरी डाळिंब विक्रीसाठी आले. पुणे आणि नगर जिल्ह्यासाठी ही महत्त्वाची बाजारपेठ ठरत आहे, अशी माहिती डाळिंब आडतदार प्रवीण लेंडे, विशाल कुटे, पप्पू सरोदे, संदीप लोढा, गणेश गडगे, निशिकांत ढोमसे, शैलेश जाधव यांनी दिली.