डॉ. शरद गडाख, डॉ. विठ्ठल शिर्के
परभणी येथील वसंतराव नाईक मराठवाडा कृषी विद्यापीठामध्ये संपन्न झालेल्या संयुक्त कृषी संशोधन व विकास समितीच्या बैठकीमध्ये महात्मा फुले कृषी विद्यापीठाने विकसित केलेले ७ सुधारीत / संकरित वाणांना मान्यता मिळाली आहे. गहू आणि दुधी भोपळा या पिकांचे वाण राष्ट्रीय स्तरावर शिफारशीत करण्यात आले आहेत.
संकरित बाजरी
फुले मुक्ताई (डीएचबीएच-२१०७५) : अधिक उत्पादन देणारा, गोसावी व करपा रोगास प्रतिकारक्षम वाण खरीप हंगामात महाराष्ट्र राज्यात लागवडीसाठी प्रसारित करण्यात आला आहे.
भात
फुले मावळ - ८ (व्हीडीएन-२००३): अधिक धान्य उत्पादन देणारा, हळवा व लांबट बारीक दाण्याचा वाण खरीप हंगामात पश्‍चिम महाराष्ट्रात लागवडीसाठी प्रसारित करण्यात आला आहे.
जांभूळ
फुले नीलकंठ (आरएचआरजे-७/१): फळांचा मोठा आकार, उत्कृष्ट टिकवण आणि जास्त उत्पादन असल्याने हा वाण पश्‍चिम महाराष्ट्रात लागवडीसाठी प्रसारित करण्यात आला आहे.
पालेभाजी करडई
फुले अभिलाषा (एसएसएफ-०७): हिरव्या पानाचे अधिक उत्पादन देणारा वाण पश्‍चिम महाराष्ट्रात पालेभाजीसाठी प्रसारित करण्यात आला आहे.
गहू
फुले शाश्‍वत (एनआयएडब्लू ४११४): हा वाण राष्ट्रीय स्तरावर महाराष्ट्र, कर्नाटक, तेलंगणा, आंध्रप्रदेश व तामिळनाडू राज्यासाठी बागायती उशिरा पेरणीकरिता प्रसारित करण्यात आला आहे.
दुधी भोपळा
फुले अनमोल (आर.एच.आर.बी.जी.-३५): एकसारखी दंडगोलाकार, हिरव्या रंगाची फळे आणि अधिक उत्पादन देणारा हा वाण महाराष्ट्रासह पंजाब, बिहार आणि उत्तर प्रदेश राज्यात लागवडीसाठी राष्ट्रीय स्तरावर प्रसारित करण्यात आला आहे.
भेंडी
फुले गायत्री (आरएचआरओकेएच-०१): हिरव्या रंगाची, मध्यम आकाराची फळे आणि अधिक उत्पादन देणारा संकरित वाण महाराष्ट्रात लागवडीसाठी प्रसारित करण्यात आला आहे.
मोसंबी
फुले रसिका (सिलेक्शन-७): हा वाण जास्त रसाचे प्रमाण आणि अधिक उत्पादनक्षम असल्याने पश्‍चिम महाराष्ट्रात लागवडीसाठी शिफारस करण्यात आला आहे.
कारळा फुले कळसूबाई (आयजीपीएन-१८३४)
अधिक धान्य उत्पादनक्षम, भुरी, मूळ व खोड कुजव्या रोगास प्रतिकारक्षम वाण खरीप हंगामात महाराष्ट्र राज्यात लागवडीसाठी प्रसारित करण्यात आला आहे.
०२४२६- २४३८६१
कृषी तंत्रज्ञान माहिती केंद्र, महात्मा फुले कृषी विद्यापीठ,राहुरी
(डॉ. शरद गडाख हे महात्मा फुले कृषी विद्यापीठाचे कुलगुरू आणि डॉ. विठ्ठल शिर्के हे संशोधन संचालक आहेत)
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.