Gram Panchayat Election : जुन्नरला २६ गावांच्या सरपंच पदासाठी १२६ अर्ज

Pune News : जुन्नर तालुक्यातील निवडणूक होत असलेल्या २६ ग्रामपंचायतींच्या थेट सरपंच पदासाठी एकूण ११८ उमेदवारांनी १२६ अर्ज दाखल केले. सर्वाधिक अर्ज बेल्हे ग्रामपंचायतीसाठी ९, तर आदिवासी भागातील निमगिरी व खटकाळेसाठी प्रत्येकी ८, तर कांदळी व सांगणोरेसाठी प्रत्येकी ७ अर्ज दाखल झाले आहेत.

सदस्यपदासाठी ७११ उमेदवारांनी ७२१अर्ज दाखल केले आहेत. इच्छुकांनी अर्ज दाखल करण्यासाठी मोठी गर्दी केली होती, अशी माहिती तहसीलदार रवींद्र सबनीस यांनी दिली

ग्रामपंचायतनिहाय अनुक्रमे सरपंच व सदस्य पदासाठी अर्ज दाखल केलेल्या उमेदवारांची संख्या : सांगणोरे ७-१७, आंबेगव्हाण ३-२२, डुंबरवाडी ४-१७ , वडगाव आनंद ३-४३, पिंपळवंडी ६-५६, निमगिरी ८-१४, खटकाळे ८-१६, खामगाव ३-२०, धालेवाडीतर्फे मिन्हेर २-११, राळेगण ३-१७, सुकाळवेढे ३-८, पाडळी ६-४५, बुचकेवाडी ४-२४, पारुंडे ६-३२, कांदळी ७-५१, नारायणगाव ४-६४, शिरोली तर्फे आळे २-२१, गुंजाळवाडी-बेल्हे ४-२५, बांगरवाडी ३-१३, गुळुंचवाडी ३-१२, बेल्हे ९-८२, रानमळावाडी ५-२१, पिंपरीकावळ २-८, उंब्रज नंबर एक ८-३४, पांगरी तर्फे मढ २-२१, तांबेवाडी ३-१७.

उमेदवारी अर्जाची छाननी सोमवारी (ता.२३) सकाळी ११ पासून छाननी संपेपर्यंत होणार आहे. उमेदवारी अर्ज माघारीसाठी बुधवारी (ता.२५) दुपारी ३ वाजेपर्यंत मुदत असून नंतर निवडणूक चिन्ह तसेच अंतिमरित्या निवडणूक लढविणाऱ्या उमेदवारांची यादी प्रसिद्ध करण्यात येईल. मतदान रविवारी (ता. ५ नोव्हेंबर) सकाळी ७.३० ते सायंकाळी ५.३० वाजेपर्यंत तर मतमोजणी व निकाल सोमवारी (ता.६ नोव्हेंबर) जाहीर केला जाईल.