Solapur News : नीरा-देवघर योजनेतून सांगोला, पंढरपूर तालुक्यांसाठी एक टीएमसी वाढीव पाणी मंजूर करण्याचा निर्णय झाला आहे. मुंबईत आयोजित जलसंपदामंत्री राधाकृष्ण विखे पाटील यांच्या उपस्थितीत झालेल्या बैठकीत हा निर्णय झाला.
या बैठकीला सोलापूरचे पालकमंत्री जयकुमार गोरे, माजी खासदार रणजितसिंह निंबाळकर, आमदार डॉ. बाबासाहेब देशमुख, माजी आमदार शहाजी पाटील, जलसंपदा सचिव दीपक कपूर, कृष्णा खोरे महामंडळाचे कार्यकारी संचालक अतुल कपोले यांच्यासह सर्व वरिष्ठ अधिकारी उपस्थित होते.
माजी आमदार पाटील व आमदार बाबासाहेब देशमुख यांच्या मागणीवरून धरण क्षेत्रातून बंदिस्त पाइपलाइन करून मैल क्र. ९५ येथे एक टीएमसी पाणी थेट कॅनॉलमध्ये सोडण्याचा निर्णय होऊन तातडीने याचे अंदाजपत्रक तयार करण्याच्या सूचना जलसंपदा मंत्री राधाकृष्ण विखे पाटील यांनी दिल्या.
लवकरच या कामास सुरुवात केली जाणार असून, त्यामुळे सांगोला व पंढरपूर तालुक्यासाठी नीरा उजवा कालवा हा बारमाही होणार असल्याने लाभक्षेत्रातील सर्व गावांना याचा खूप मोठा फायदा होणार असल्याची माहिती माजी आमदार पाटील यांनी दिल्या.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.