Nagpur News : पंतप्रधान नरेंद्र मोदी यांच्या ९ वर्षांच्या कार्यकाळात देशाची अर्थव्यवस्था मजबूज झाली तर मग रुपयाचे अवमूल्यन का होत आहे? असा प्रश्‍न शेतकरी नेते विजय जावंधिया यांनी थेट केंद्रीय अर्थमंत्री निर्मला सीतारामन यांच्याकडे पत्र पाठवून उपस्थित केला आहे. याच पत्रातून संभ्रामवस्था दूर करीत रुपयाच्या अवमूल्यनाबाबत खरी परिस्थिती सामान्यांसमोर आणण्याचे आवाहनही केले आहे.
विजय जावंधिया यांच्या माहितीनुसार, अर्थमंत्री निर्मला सीतारामन यांनी अविश्‍वास प्रस्तावावरील चर्चेत सहभाग घेतला होता. या वेळी त्यांनी २०१३ पर्यंत देशाची अर्थव्यवस्था नाजूक असल्याचा उल्लेख केला. त्यासोबतच २०१४ म्हणजे पंतप्रधान मोदी यांनी देशाची सूत्रे सांभाळताच देशभरात भारतीय अर्थव्यवस्थेचे कसे कौतुक झाले आणि त्यात कशी सुधारणा झाली याविषयी भाष्य केले. परंतु हे भाष्य करताना त्यांनी कोणतेच ठोस पुरावे सादर केले नाहीत.
श्रीमंत असलेले अमेरिका, जर्मनी, चीन आज आर्थिक संकटात आहेत. त्या ठिकाणी व्याजदरात वाढ होत आहे. विकास दर तीन टक्‍क्‍यांपेक्षा कमी आहे. अशावेळी मोदी यांच्या नेतृत्वामुळे भारतीय अर्थव्यवस्था मजबूत असल्याचा दावा करण्यात आला. २०२२-२३ या वर्षात भारतीय अर्थव्यवस्था ७.२ टक्‍के वाढली आणि २०२३-२४ मध्ये विकास दर ६.५ टक्‍के राहील, अशी शक्‍यता त्यांनी वर्तविली होती.
माजी पंतप्रधान डॉ. मनमोहन सिंग यांच्या कार्यकाळात डॉलरच्या तुलनेत रुपया ५४.३४ रुपये होता. याच मुद्यावरून विद्यमान पंतप्रधान मोदी त्यांना अवमूल्यनाबाबत विचारत होते. आता डॉलरचे मूल्य ८३ रुपये आहे. अर्थव्यवस्था मजबूत झाली असेल तर रुपयाचे अवमूल्यन का झाले? याचे उत्तर अर्थमंत्र्यांनी दिले पाहिजे, असा प्रश्‍न जावंधिया यांनी उपस्थित केला.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.