Shambhuraj Desai Satara : पाणी टंचाईत कालवे फोडणाऱ्यावर गुन्हे दाखल करा, शंभुराज देसाईंनी दिले आदेश

Water Shortage Satara : संभाव्य पाणी टंचाई पाहता धरणांतील उपलब्ध पाणीसाठा हा प्राधान्याने पिण्याच्या पाण्यासाठी व शेतीसाठी राखून ठेवण्याच्या सूचना शंभुराज देसाईंनी दिल्या.
Shambhuraj Desai Satara
Shambhuraj Desai Sataraagrowon

Satara Drought Condition : सातारा जिल्ह्यात सरासरीपेक्षा कमी पाऊस झाला आहे. संभाव्य टंचाई पाहता धरणांतील उपलब्ध पाणीसाठा हा प्राधान्याने पिण्याच्या पाण्यासाठी व शेतीसाठी राखून ठेवावा, त्याचबरोबर कालवा सल्लागार समितीच्या बैठकीत ठरल्याप्रमाणेच धरणांमधील पाणी सोडण्याची माहिती सातारा जिल्ह्याचे पालकमंत्री शंभूराज देसाई यांनी दिली.

यावेळी देसाई म्हणाले की, कालव्यामधून जे पाणी सोडले जाते ते शेवटच्या शेतकऱ्यांच्या शेतापर्यंत गेले पाहिजे. कोयना धरण अद्याप पूर्ण क्षमतेने भरलेले नाही त्यामुळे पिण्याच्या पाण्याचे पुनर्नियोजन करावे. उरमोडी व कण्हेर धारणांमधील सातारा शहरासाठी पाणी राखीव ठेवावे.

कालव्याद्वारे पाणी सोडल्यानंतर पाणी वळविण्यासाठी कालवे फोडणाऱ्यावर पाटबंधारे विभागाच्या अधिकाऱ्यांनी गुन्हे दाखल करावे. तसेच पोलीस विभागाने गुन्हे झालेल्या व्यक्तींवर कडक करवाई, अशा सूचनाही पालकमंत्री देसाई यांनी दिल्या.

सध्या दुष्काळ स्थिती निर्माण होण्याची शक्यता आहे. दरम्यान सातारा जिल्ह्यातील ज्या तालुक्यात पाणी टंचाई निर्माण होईल अशा तालुक्यातील जनावरांसाठी चारा छावण्यांऐवजी लम्पी चर्मरोगाचा प्रादुर्भाव लक्षात घेता चारा डेपोचे प्रस्ताव प्रांताधिकारी व तहसीलदार यांनी जिल्हाधिकाऱ्यांकडे सादर करावा.

Shambhuraj Desai Satara
Organic Mango Satara Farmer : साताऱ्यातील दुष्काळी भागात पिकवला सेंद्रिय केशर आंबा, परेदशात निर्यात, लाखोंची कमाई

मोठ्या गावांमध्ये लोकसंख्येचा विचार करुन टँकरच्या खेपा कराव्यात. तसेच छोटी गावे व डोंगर दऱ्यातील गांवासाठी छोट्या टँकरने पाणी पुरवठा करण्याची व्यवस्था करावी असे देसाई यांनी सांगितलं.

विहिर दुरुस्ती, विहिरीचे अधिग्रहण तसेच इतर उपाययोजनांचे प्रस्तावही जिल्हाधिकाऱ्यांकडे द्यावेत. तसेच आमदार महोदयांसमवेत तालुकास्तरीय टंचाई आढावा बैठक घ्यावी. त्यांनी केलेल्या सूचनांचा विचार करुन सुचविलेल्या उपाययोजना कराव्यात. आवश्यक भासेल तेथे टँकर सुरु करा. टंचाईबाबत सतर्क व संवेदशील असल्याचेही ते म्हणाले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com