Raigad Khalapur Irshalgad Landslide Live Update: रायगड जिल्ह्यातील इर्शाळवाडीत बुधवारी रात्री दरड कोसळून किमान ४० ते ५० घरं गाडली गेली. या दुर्घटनेत जवळपास १०३ लोकांना वाचवण्यात यश आहे. पण १६ जणांचा मृत्यू झाला. ५० हून अधिक बेपत्ता असून एनडीआरएफकडून बचाव सुरू आहे.
खालापूर तालुक्यातील इर्शाळवाडीतले लोक झोपेत असताना गावावर दरड कोसळली. यात गावातील ४८ कुटुंबांमधील २२९ लोकांवर संकट कोसळले. काहींनी यातून कसाबसा जीव वाचवला, परंतु शेकडो आदिवासी या मातीच्या ढिगाऱ्याखाली अडकून पडले. घटनेची माहिती मिळातच शासनाकडून बचाव कार्य सुरू झाले आहे.
स्थानिक नागरिक, एनडीआरएफ, एसडीआरएफ, टीडीआर एफ यांच्या पथकांच्या माध्यमातून याठिकाणी प्रत्यक्ष मदतकार्य सुरू असून इतर सामाजिक संस्थांनी मदतीचा हात पुढे केला आहे. प्रतिकूल भौगोलिक परिस्थिती आणि सततचा पाऊस असूनही लवकरात लवकर मदतकार्य पूर्ण करावे यासाठी शक्य ते सारे प्रयत्न सुरू आहे. या ग्रामस्थांचे तात्पुरते पुनर्वसन करण्यासाठी पायथ्याशी ५० कंटेनरची व्यवस्था करण्यात येत असून या ग्रामस्थांचे कायमस्वरूपी पुनर्वसन देखील करण्यात येणार असल्याचे शासनाकडून सांगण्यात येत आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
