Silk Farming : रेशीम उद्योग अभ्‍यासक्रमासाठी नाव नोंदणी करा

परभणी : परभणी जिल्‍ह्यातील ग्रामीण युवकांकरिता महाराष्‍ट्र शासनाच्‍या कौशल्‍य, रोजगार, उद्योजकता व नाविन्‍यता विभागामार्फत किमान कौशल्‍य विकास कार्यक्रम २०२२-२०२३ (सर्वसाधारण जिल्‍हास्‍तरीय योजना) अंतर्गत वसंतराव नाईक मराठवाडा कृषी विद्यापीठातील रेशीम संशोधन केंद्रात तीन महिन्याचे रेशीम उद्योग (Silk Industry) प्रमाणपत्र अभ्‍यासक्रम (कोर्स) सुरू करण्‍यात येत असून याकरिता नाव नोंदणी सुरू आहे.

याकरिता पाचवी उत्तीर्ण आणि ३ वर्षाचा शेती तसेच शेती पुरक व्‍यवसायाचा अनुभव किंवा आठवी उत्तीर्ण आणि १ वर्षाचा शेती तसेच शेती पुरक व्‍यवसायाचा अनुभव असलेले परभणी जिल्‍हयातील १८ ते ४५ वयोगटातील ग्रामीण युवक पात्र आहेत.

अधिक माहिती करिताकौशल्‍य विकास रोजगार व उद्योजकता मार्गदर्शन केंद्राचे सहायक आयुक्‍त प्रशांत खंदारे किंवा रेशीम संशोधन योजनेचे प्रभारी अधिकारी डॉ. सी. बी. लटपटे (७५८८६१२६२२), धनंजय मोहोड (९४०३३९२११९) यांच्‍याशी संपर्क साधावा.