Mahanand Milk : ‘महानंद’च्या अध्यक्षपदी राजेश परजणे यांची निवड

नगर ः महाराष्ट्र राज्य सहकारी दूध महासंघ (महानंद) (Mahanand Milk) या सहकार व दुग्ध व्यवसायातील शिखर संस्थेच्या अध्यक्षपदी राजेश परजणे-पाटील (Rajesh Parjane patil) यांची बिनविरोध निवड झाली आहे. उपाध्यक्षपदावर रामकृष्ण बांगर (Ramkrushn Bangar) यांना संधी मिळाली आहे.

महाराष्ट्र राज्य सहकारी दूध महासंघाच्या संचालक मंडळाची (महानंद) मुंबईतील गोरेगाव येथे दोन दिवसांपूर्वी बैठक झाली. त्यात अध्यक्ष व उपाध्यक्षदाच्या निवडी झाल्या. अध्यक्षपदासाठी राजेश परजणे-पाटील यांचा व उपाध्यक्षपदासाठी रामकृष्ण बांगर यांचा एकमेव अर्ज आला

संचालक विनायकराव पाटील, वैभव पिचड यांनी परजणे यांच्या निवडीचा ठराव मांडला. त्यानंतर परजणे व बांगर यांची अनुक्रमे अध्यक्ष व उपाध्यक्षपदी निवड केल्याचे जाहीर केले.

निवडीनंतर महसूलमंत्री राधाकृष्ण विखे पाटील यांनी परजणे, बांगर यांचा सत्कार केला. राजेश परजणे हे नगर जिल्ह्यातील नावाजलेल्या गोदावरी खोर नामदेवराव परजणे पाटील कोपरगाव तालुका दूध संघाचे अध्यक्ष आहेत. दूध संघाने सातत्याने विविध उपक्रम राबविले आहेत. महसूलमंत्री राधाकृष्ण विखे-पाटील यांचे ते मेहुणे आहेत.