Monsoon 2023 : रत्नागिरी, रायगडमध्ये पावसाच्या सरी; इतर ठिकाणचं काय?

Maharashtra Weather News : राज्यात माॅन्सून सध्या सक्रीय नाही. तसेच स्थानिक वातावरणीय परिस्थिती पावसासाठी पोषक नाही. यामुळे राज्यात पावसाची उघडीप आहे. आज कोकणातील रत्नागिरी आणि रायगड जिल्ह्यात काही ठिकाणी जोरदार सरींचा अंदाज हवामान विभागाने दिला. तर मंगळवारपासून पूर्व विदर्भात पावसाला सुरु होऊ शकते, अशीही शक्यता हवामान विभागाने वर्तविली

ईशान्य उत्तर प्रदेश आणि परिसरावरील चक्राकार वाऱ्यांची स्थिती निवळली. मॉन्सूनचा आस असलेला कमी दाबाचा पट्टा त्याच्या सर्वसाधारण स्थितीच्या उत्तरेकडेच आहे. या कमी दाब पट्ट्याे पूर्व टोक बहारिच, सितामढी, किसानगंज ते मणिपूरपर्यंत सक्रिय आहे. सिक्कीम पासून वायव्य बंगालच्या उपसागरापर्यंत, तसेच दक्षिण अंतर्गत कर्नाटकपासून कोमोरीन भागापर्यंत आणखी एक कमी दाबाचा पट्टा सक्रिय आहे. त्यामुळे या भागांमध्ये पाऊस पडताना दिसत आहे.

राज्यात आज अनेक भागात पावसाची उघडीप होती. काही ठिकाणी हलक्या सरी होत आहेत. पण बहुतांशी भागांमध्ये ऊन्हाचा चटका होता. अधूनमधून ढगाळ वातावरणही होते. ऊन सावल्यांचा खेळही अनेक भागांमध्ये पाहायला मिळाला. हवामान विभागाने आज काही ठिकाणी हलक्या ते मध्यम स्वरुपाच्या सरींचा अंदाज दिला. तसेच पुढील दोन दिवसा पावसाची उघडीप राहण्याचा अंदाज आहे. तर मंगळवारपासून पूर्व विदर्भात पावसाचा जोर वाढू शकतो, असा अंदाज हवामान विभागाने दिला.