Pune News महाराष्ट्र राज्य वखार महामंडळाच्या (Warehouse Corporation) व्यवस्थापनाला कर्मचारी महासंघाने लाक्षणिक उपोषणाची (Protest) नोटीस दिली आहे. तसेच व्यवस्थापनाने कर्मचाऱ्यांच्या मागण्यांकडे जाणीवपूर्वक दुर्लक्ष केल्याचा आरोप महासंघाचे अध्यक्ष श्रीकांत गाडीवान (Shrikant Gadiwan) यांनी केला.
महाराष्ट्र स्टेट वेअरहाउसिंग कॉर्पोरेशन कर्मचारी महासंघाच्या वतीने ९ मार्चपासून लाक्षणिक उपोषण सुरुवात केली आहे. कोरोना कालावधीत कर्मचाऱ्यांनी गहू-तांदूळ सार्वजनिक वितरणाची सेवा बजावली.
किमान आधारभूत किंमत योजनेंतर्गत शेतकऱ्यांच्या हरभरा खरेदी साठ्याबाबत कर्तव्य पार पाडूनही प्रशासन कर्मचाऱ्यांच्या अडचणींबाबत दखल घेत नाही, अशी खंत महासंघाकडून व्यक्त करण्यात आली.
तसेच, महामंडळाच्या वार्षिक सर्वसाधारण सभेच्या खर्चावर देखील महासंघाने आक्षेप घेतला आहे. महामंडळाने मुख्यालयात अत्याधुनिक बैठक व्यवस्था केली असतानादेखील पंचतारांकित हॉटेलमध्ये बैठक घेऊन वारेमाप खर्च केल्याचा आरोप महासंघाने केला आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.