Bhor News : शहर आणि तालुक्यात विजेचा लपंडाव सुरू आहे. यामुळे विविध कारणांमुळे वीजपुरवठा वारंवार खंडित होत आहे. यामुळे वीजग्राहक हैराण झाले असून कायमस्वरूपी उपाययोजना करावी, अशी मागणी करण्यात येत आहे. वीज महावितरण कंपनीशिवाय वीजनिर्मिती (जनरेशन) आणि पारेषण या कंपन्यांच्या अनेक कारणांमुळे वीजपुरवठा खंडित होत आहे.
पावसाळ्यापूर्वीची नियमीत कामे करूनही विजेची वाहिनी तुटणे, पक्षी चिकटणे, पीन-इन्सुलेटर नादुरुस्त होणे, रोहित्र बिघडणे तसेच नैसर्गिक आपत्तीमुळे खांब कोसळणे आदी कारणांमुळे वीजपुरवठा खंडित होत आहे. ग्रामीण भागाबरोबर भोर शहरातही कित्येक तास वीजपुरवठा बंद असतो.
तालुक्यात महावितरणच्या सात सबस्टेशनमधून ३६ हजार १९६ ग्राहकांनी वीजपुरवठा केला जात आहे. यामध्ये सर्वाधिक २८ हजार २५० संख्या ही निवासी ग्राहकांची आहे. तालुक्यात महावितरणचे कायमस्वरूपी २७ आणि तात्पुरत्या स्वरूपाचे ३३ कर्मचारी कार्यरत आहेत. दर महिन्याला वीजबीलाची सुमारे २ कोटीपर्यंत रक्कम जमा होते आणि सव्वाकोटींपर्यंत थकबाकी राहिली जाते.
जुलै महिन्याअखेर तालुक्यातील ३ हजार ५९७ शेतीपंप ग्राहकांची १३ कोटी ३७ लाखांची थकबाकी येणे असून ३१२ पाणीपुरवठा योजनांची थकबाकी पावणेतीन कोटी रुपयांची आहे. वीजपुरवठा वेळेवर होत नसल्यामुळे बिलाची थकबाकी वाढत आहे. तालुक्यातील विजेच्या वाहिन्या आणि विद्युत उपकरणे जुनी असल्यामुळे त्या वारंवार नादुरुस्त होत आहेत.
महावितरणच्या बिघाडाशिवाय भाटघर धरणावरील वीजनिर्मिती आणि पारेषण कंपनीच्या वीजपुरवठ्यामुळेही तालुक्याचा वीजपुरवठा खंडित होत आहे. त्यामुळे कर्मचारी तरीपण महावितरणचे कर्मचारी चोवीस तास कार्यरत राहून वीजपुरवठा कायमस्वरुपी सुरळीत करण्याचा प्रयत्न करीत असल्याचे प्रभारी उपकार्यकारी अभियंता सचिन राऊत यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.