Sugarcane Cultivation : सांगली जिल्ह्यात आडसाली उसाचे क्षेत्र घटण्याची शक्यता

Sangli Sugarcane Plantation : पावसाळा सुरू होऊन दीड महिना उलटून गेला तरी ऊस लागवडीसाठी दमदार पाऊस झाला नाही. त्यामुळे जिल्ह्यात आडसाली ऊस लागवड खोळंबली आहे.
Sugarcane cultivation
Sugarcane cultivationAgrowon

Sangli News : पावसाळा सुरू होऊन दीड महिना उलटून गेला तरी ऊस लागवडीसाठी दमदार पाऊस झाला नाही. त्यामुळे जिल्ह्यात आडसाली ऊस लागवड खोळंबली आहे. आतापर्यंत आडसाली हंगामातील २ हजार ६६६ हेक्टरवर ऊस लागवड झाली आहे. रोपांची मागणीही कमी झाली आहे. परिणामी आडसाली हंगामातील उसाच्या क्षेत्रात घट होण्याची शक्यता आहे.

जिल्ह्यात गेल्या पाच वर्षांत उसाच्या क्षेत्रात वाढ होताना दिसत आहे. वाळवा, मिरज, कडेगाव आणि पलूस या तालुक्यांत सर्वाधिक आडसाली उसाचे क्षेत्र असते. जिल्ह्यात गतवर्षी म्हणजे आता गाळपाला जाणाऱ्या आडसाली हंगामातील उसाचे ४५ हजार २६१ हेक्टर क्षेत्र आहे.

Sugarcane cultivation
Sugarcane Labor : तीन वर्षे ऊसतोड केलेल्या कामगारांनी ओळखपत्रासाठी नोंदणी करावी

आडसाली ऊस लागवडीचा कालावधी जुलै-ऑगस्ट आहे. जिल्ह्यातील शेतकरी आडसाली ऊस लागवड करण्यासाठी पुढे येतात. वाळवा, पलूस तालुक्यात एकरी शंभर टनांपेक्षा अधिक उत्पादन घेणारे शेतकरी आहेत. पाण्याची उपलब्धता असल्याने वारणा-कृष्णा नदीकाठच्या भागात मेच्या शेवटच्या आठवड्यापासून ते जून महिन्यात ऊस लागवडीसाठी शेतकरी पुढे येतात.

दरवर्षी वळीव पावसानंतर लागवडीपूर्व मशागती पूर्ण केल्या जातात. त्यानुसार शेतकरी लागवडीसाठी नियोजन करतो. मात्र, यंदा वळीव पाऊस झाला नाही. त्यामुळे लागवडपूर्व मशागती थांबल्या होत्या.

परंतु पाऊस पडेल या आशेने शेतकऱ्यांनी लागवडीसाठी शेताची तयारी केली. ऊस रोपे, बियाण्यांची तरतूद केली. मात्र, पाण्याची कमतरता या साऱ्यामुळे मे-जून मध्ये होणारी ऊस लागवड रखडली आहे. पावसाच्या भरवशावर शेतकऱ्यांनी जमिनीच्या मशागती करून सऱ्या सोडल्या आहेत.

Sugarcane cultivation
Sugarcane Rate : ऊसदर नियंत्रण मंडळापुढे अनेक निर्णयांचे आव्हान

सध्या ऊस लागवडीचा हंगाम आहे. दीड महिना झाला तरी, पाऊस नाही, पाणीटंचाई यामुळे लागवडी लांबल्या असल्याचे चित्र आहे. मुळात, कृष्णा आणि वारणा नदीतील पाण्‍याची पातळी कमी आहे. विहिरी, कूपनलिकांमधील पाणीपातळी घटली आहे. मात्र, त्यामुळे नवीन लागवड करण्यापेक्षा उभा असलेला ऊस जगवण्यासाठी प्राधान्य देत आहेत. त्यामुळे यंदा आडसाली ऊस लागवडीच्या क्षेत्रात घट होईल, असा अंदाज व्यक्त केला जात आहे.

तालुकानिहाय आडसाली

ऊस लागवड क्षेत्र

तालुका क्षेत्र

वाळवा १८८१

तासगाव ४४२

पलूस ३४३

एकूण २६६६

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
document.addEventListener("qt-page-data", (e) => { console.log(e.detail); })
Agrowon
agrowon.esakal.com