परभणी : परभणी शहर महानगरपालिकेची मालमत्ता कराच्या (Property Tax) ४ लाख ४३ हजार ८३४ रुपये थकबाकीमुळे कृषी विभागाच्या (Agriculture Department) पाथरी रस्त्यावरील जैविक कीड नियंत्रण प्रयोगशाळेतील (Pest Control Lab) तंत्र अधिकारी कक्ष कुलूप लावून सील करण्यात आले.
परभणी महानगरपालिका वसुली पथकाने शुक्रवारी (ता. २७) ही कारवाई केली.
परभणी शहर महानगरपालिकेच्‍या प्रभाग समिती अ चे जप्‍ती पथक जैविक कीड नियंत्रण प्रयोगशाळा कार्यालय येथे वसुलीसाठी गेले असता मालमत्ता धारकाने सन २०१७ पासूनच्‍या थकीत कराची रक्कम ४ लाख ४३ हजार ८३४ रुपये भरणा केली नाही.
थकीत कराचा भरणा न केल्‍यामुळे जप्‍तीअटकावणीची नोटीस बजावण्‍यात आलेली होती. परंतु थकीत कराचा भरणा न केल्‍यामुळे जैविक कीड नियंत्रण प्रयोगशाळेतील तंत्र अधिकारी कार्यालय कार्यालय सील करण्यात आले.
ही कार्यवाही सहायक आयुक्त जुबेर हाश्‍मी, कर निरीक्षक विठ्ठल शेळके, रमेश कोल्‍हे, वसुली लिपीक सुनील भराडे, अ. सत्‍तार, जावेद खान, सय्यद हमीद यांच्या पथकाने केली.
आयुक्त तथा प्रशासक तृप्‍ती सांडभोर व उपायुक्‍त उत्‍कर्ष गुट्टे यांनी जप्‍ती, अटकावणी नोटीस प्राप्‍त नागरिक तसेच शासकीय कार्यालयांनी जप्‍ती, अटकावणी पथक दाखल होण्यापूर्वी कराचा भरणा करून महापालिकेस सहकार्य करण्‍याचे आवाहन केले आहे.
यापूर्वी सोमवारी (ता. २३) मालमत्ता कराच्या १० लाख रुपये थकबाकीमुळे कृषी विभागाच्या बीज परिक्षण प्रयोगशाळेतील अधिकारी कक्ष सील करण्यात आले आहे. शासनाकडून वेळेवर निधी उपलब्ध होत नसल्यामुळे मालमत्ता कराचा भरणा शक्य होत नाही.
या दोन प्रयोगशाळेतील अधिकारी कक्ष सील करण्यात आल्यामुळे कामकाजावर परिणाम झाला आहे.
त्या बाबत कृषी आयुक्त कार्यालयास कळविण्यात आले आहे.लवकरच निधी उपलब्ध होणार आहे.थकीत कराचा भरणा केला जाईल असे कृषी विभागाच्या सूत्रांनी सांगितले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.