Dr. Indra Mani : ‘एमजीएम’स्थित महाविद्यालयांनी अधिस्वीकृतीसाठी प्रयत्न करावेत

गुणवत्ता व संशोधन वाढीस चालना मिळण्यासाठी ‘एमजीएम’स्थित महाविद्यालयांनी भारतीय कृषी संशोधन परिषदेची अधिस्वीकृती मिळविण्यासाठी सर्वतोपरी प्रयत्न करावेत,’’ असे आवाहन वसंतराव नाईक मराठवाडा कृषी विद्यापीठाचे कुलगुरू डॉ. इंद्र मणी यांनी केले.
Dr. Indra Mani
Dr. Indra ManiAgrowon

औरंगाबाद ः ‘‘गुणवत्ता व संशोधन वाढीस चालना (Research And Quality) मिळण्यासाठी ‘एमजीएम’स्थित महाविद्यालयांनी (MGM Based College) भारतीय कृषी संशोधन परिषदेची (ICAR) अधिस्वीकृती मिळविण्यासाठी सर्वतोपरी प्रयत्न करावेत,’’ असे आवाहन वसंतराव नाईक मराठवाडा कृषी विद्यापीठाचे कुलगुरू डॉ. इंद्र मणी (Dr. Indra Mani) यांनी केले.

Dr. Indra Mani
Agriculture Export : शेतीमाल निर्यातीत नेतृत्वाची संधी

येथील गांधेली परिसरातील एमजीएम हिल्स कृषी परिसराची वसंतराव नाईक मराठवाडा कृषी विद्यापीठाचे कुलगुरू डॉ. इंद्र मणी यांनी मंगळवारी (ता. ३) पाहणी केली. त्या वेळी ते बोलत होते.

Dr. Indra Mani
Agriculture Department : कृषी उपसंचालकांचे आंदोलन स्थगित

महात्मा गांधी मिशन नेहमीच आपल्या वेगळ्या कार्याने कायम नावलौकिक मिळवत आहे. त्याचाच परिपाक म्हणून गांधेली परिसरात अगदी प्रतिकूल परिस्थितीमध्ये डोंगरावर फुललेल्या एमजीएम हिल्स गांधेली परिसरातील कृषी व संलग्न शाखा वेगवेगळ्या गुणवत्तेमुळे चर्चेत असतात.

त्याअनुषंगाने डॉ. मणी यांनी येथील सर्व उपक्रमांना भेट देत तांत्रिक बाबींचा आढावा घेतला. मुख्य कार्यकारी अधिकारी डॉ. प्रवीण सूर्यवंशी, विद्यापीठाचे अधिष्ठाता डॉ. डी. एन. गोखले व बदनापूर कृषी महाविद्यालयाचे सहयोगी अधिष्ठाता डॉ. आर. डी. अहिरे उपस्थित होते.

शासनमान्य रोपवाटिका, द्राक्ष बाग, दुग्धप्रक्रिया व अन्नप्रक्रिया उद्योग, रेशीमधागा निर्मिती केंद्र, जैविक उत्पादने निर्मिती केंद्र, माती व पाणी परीक्षण प्रयोगशाळा व स्टेट ऑफ आर्ट फॅसिलिटी अंतर्गत सुरू उपक्रमांना डॉ. मणी यांनी भेट दिली.

कृषी महाविद्यालयाचे प्राचार्य डॉ. नीलेश मस्के, एमजीएम हिल्स कृषी परिसराचे संचालक डॉ. सुदाम पवार, वरिष्ठ शास्त्रज्ञ प्रा. काकासाहेब सुकासे, प्राचार्य डॉ. नरेंद्रसिंग चव्हाण, प्राचार्य डॉ. सोनल झंवर व केव्हीकेचे शास्त्रज्ञ आदी उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com