Chhatrapati Sambhajinagar News : मराठवाड्यातील छत्रपती संभाजीनगर, जालना, बीड, धाराशिव व लातूर या पाच जिल्ह्यात बुधवारी (ता. १९) सकाळपर्यंतचे २४ तासात पावसाची हलकी, मध्यम ते दमदार हजेरी लागली. जालना, बीड व धाराशिव या तीन जिल्ह्यातील सहा मंडळात अतिवृष्टी झाली. धाराशिव जिल्ह्यात पावसाचा जोर सर्वाधिक होता.
पाचही जिल्ह्यातील २९ तालुक्यात सरासरी २० ते ५४ मिलिमीटर दरम्यान पाऊस झाला. छत्रपती संभाजीनगर जिल्ह्यातील कन्नड, खुलताबाद, फुलंब्री, सिल्लोड, सोयगाव, तालुक्यात मध्यम पाऊस झाला.
जालना जिल्ह्यातील अंबड, तालुक्यात मध्यम तर भोकरदन, जाफराबाद, जालना, बदनापूर, घनसावंगी, मंठा या तालुक्यांमध्ये मध्यम ते दमदार पाऊस झाला. बीड जिल्ह्यातील वडवणी तालुका वगळता बीड, पाटोदा, आष्टी, गेवराई, माजलगाव, अंबाजोगाई, केज, परळी, धारूर, शिरूर कासार आदी तालुक्यातील सर्व मंडळांमध्ये मध्यम ते दमदार पाऊस झाला.
लातूर जिल्ह्यातील देवणी, शिरूरअनंतमाळ तालुक्यात हलका ते मध्यम तर लातूर, औसा, अहमदपूर, निलंगा, उदगीर, चाकूर, रेणापूर, जळकोट आदी तालुक्यात मध्यम ते दमदार पावसाची हजेरी लागली.
धाराशिव जिल्ह्यातील धाराशिव, कळंब, तालुक्यात मध्यम ते दमदार तर तुळजापूर, परांडा, भूम, उमरगा, लोहारा, वाशी आदी तालुक्यात दमदार ते जोरदार पावसाची हजेरी लागली. जिल्ह्यातील तुळजापूर भूम, उमरगा, लोहारा, वाशी आदी तालुक्यात ४० ते ५४ मिलिमीटर दरम्यान सरासरी पाऊस झाला.
जिल्हानिहाय अतिवृष्टीची मंडळ (पाऊस मिलिमीटरमध्ये)
जालना : विरेगाव ६९.७५, बीड : कडा ६५.२५, धाराशिव : नळदुर्ग ६९, वालवड ६७.७५, डाळिंब ७२.७५, जेवळी ७२.७५
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
