Bamboo Farming : बांबू शेतीतील प्रयोगांचा प्रसार होणे गरजेचे ः कोश्यारी

नाशिक : ‘‘ग्रामीण भागातील सर्वसामान्य शेतकरी, शेतमजुरांनी प्रयोगशीलतेने काम केले. त्यातून आजवर मोठे काम उभे राहिले आहे. हे काम शासन सुद्धा करू शकत नाही. याच धर्तीवर बांबू शेती (Bamboo Farming) करताना विविध प्रजातींचे संकलन करून दाते कुटुंबीयांनी नावीन्यपूर्ण असा प्रयोग उभारला आहे. त्यातून कृषिक्षेत्राचा (Agriculture Development) व देशाचा विकास होईल. त्यासाठी त्याचा प्रचार-प्रसार होणे गरजेचे आहे,’’ असे प्रतिपादन राज्यपाल भगतसिंह कोश्यारी (Bhagat Singh Koshyari) यांनी केले.

लाखलगाव (ता. जि. नाशिक) येथील दाते कुटुंबीयांनी देशभरातून बांबूच्या ९६ दुर्मीळ प्रजातींचे संकलन करून ‘दाते बांबूशेतम’ या नावाने बांबू संकलन व संवर्धन प्रकल्प उभारला आहे. गुरुवारी (ता.१) राज्यपालांच्या हस्ते त्याचे उद्‍घाटन झाले.

‘बांबू क्लस्टरचा विकास व्हावा’

‘‘आदिवासी भागांत बांबू शेतीचा अधिक प्रचार व प्रसार होण्यासाठी शासनाच्या पारंपरिक मार्गदर्शक सूचना बदलणे आवश्यक आहे. नवीन मार्गदर्शक सूचना तयार कराव्यात, जेणेकरून बांबू क्लस्टरचा विकास करण्यात येईल,’’ असे मत विधानसभेचे उपाध्यक्ष नरहरी झिरवाळ यांनी केले.