Banas Dairy News : राष्ट्रीय मधमाशी पालन आणि मध अभियानने (NBHM) मान्यता दिलेल्या उत्तर गुजरातमधील पालनपूरजवळील बदरपुरा येथील बनास जिल्हा सहकारी दूध उत्पादक संघ (Banas Dairy) मध चाचणी प्रयोगशाळेचे (honey laboratory) नुकतेच केंद्रीय कृषी मंत्री नरेंद्र सिंग तोमर यांच्या हस्ते झाले. या प्रयोगशाळेचा गुजरात तसेच पूर्वेकडील राज्यांनाही उपयोग होणार आहे.
गुजरात आणि लगतच्या राज्यातील मध आणि मधमाशी उत्पादने आंतरराज्यीय किंवा परदेशात त्यांच्या उत्पादनांची चाचणी घेण्यासाठी पाठवितात. त्यात अनेकदा वेळ जातो. त्यामुळे व्यवसायावरही परिणाम होतो. त्यामुळे मध, मधमाशी उत्पादनांची चाचणी घेण्यासाठी यंत्रसामग्री, लॅब आदींचा समावेश यामध्ये आहे.
बनास डेअरीचे व्यवस्थापकीय संचालक संग्राम चौधरी म्हणाले, “केंद्र सरकारने आम्हाला लॅबसाठी निधी दिला आहे. पूर्वी आम्ही नमुने जर्मनीला पाठवायचो. आणि नंतर एनडीडीबी, आणंद येथे एक केंद्रीकृत प्रयोगशाळा स्थापन करण्यात आली. पण खर्च खूप जास्त असायचा. आता इनहाऊस चाचणी सुविधेसह, आम्ही अत्यंत वाजवी खर्चात चाचण्या करू शकू. तसेच, चाचण्यांसाठी लागणारा वेळ 15-20 दिवसांपूर्वीच्या तुलनेत कमी होऊन 6 दिवसांवर येईल.”
पंतप्रधान नरेंद्र मोदी यांनी या प्रोजेक्टचे कौतुक केले. रविवारी एका ट्विटमध्ये पंतप्रधानांनी लिहिले, “जेव्हा नावीन्यपूर्णतेचा विचार येतो तेव्हा @banasdairy1969 नेहमीच आघाडीवर असते. गोड क्रांतीमध्ये भारताची प्रगती बळकट करण्याच्या दिशेने हे महत्त्वाचे पाऊल पाहून आनंद झाला. हनी लॅब या क्षेत्रासाठी खूप फायदेशीर ठरेल.”
बनास डेअरीचे अध्यक्ष शंकर चौधरी यांनी म्हटले आहे की, डेअरी 2016 पासून शेतकरी आणि दुग्ध उत्पादकांना मध-मधमाशी लागवडीसाठी प्रोत्साहित करत आहे. बनास आवारात ठेवलेल्या दोन डेमो मधमाश्यांपासून सुरू झालेला छोटासा प्रयत्न. ऑक्‍टोबर 2016 मध्ये, डेअरीने 2020 ते 2023 या कालावधीत 1,60,533 किलो मध उत्पादन मिळवले असून 5,000 हून अधिक शेतकरी त्याखाली आहेत.
राष्ट्रीय मधमाशी मंडळ (NBB) अंतर्गत राष्ट्रीय मधमाशी पालन आणि मध अभियान (NBHM) ची एक विशेष योजना सुरू करण्यात आली. या योजनेंतर्गत बिहार (1 क्रमांक), कर्नाटक (3), मध्य प्रदेश (1), महाराष्ट्र (1), राजस्थान (1), जम्मू आणि काश्मीर (4) या राज्यांमध्ये 16 लघु मध चाचणी प्रयोगशाळा स्थापन करण्यास मंजुरी देण्यात आली. उत्तर प्रदेश (2) पश्चिम बंगाल (2) आणि हिमाचल प्रदेश (1), तर दिल्ली, गुजरात आणि कर्नाटकसाठी तीन मध चाचणी प्रयोगशाळा मंजूर करण्यात आल्या आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.