Parbhani News : परभणी हिंगोली जिल्ह्यात बुधवारी (ता. १९) दुपारी १२ पर्यंतच्या २४ तासांत सर्व ८२ मंडलांमध्ये मध्यम ते मुसळधार पाऊस झाला. परभणी जिल्ह्यातील १२ व हिंगोली जिल्ह्यातील ११ मंडलामध्ये अतिवृष्टी झाली.
या दोन जिल्ह्यातील ६ मंडळांमध्ये १०० मिलीमीटरपेक्षा अधिक पाऊस झाला. परभणी जिल्ह्यात सरासरी ४७.९ मिलिमीटर तर हिंगोली जिल्ह्यात सरासरी ६८.४ मिलिमीटर पाऊस झाला.
सर्वदूर दमदार पाऊस झाल्यामुळे रखडलेल्या पेरण्या मार्गी लागणार असल्याने शेतकऱ्यांना दिलासा मिळाला आहे. परंतु मुसळधार पावसामुळे जमिनी खरडून गेल्याने वाढीच्या अवस्थेतील पिकांचे नुकसान झाल्याने शेतकऱ्यांच्या अडचणी वाढल्या आहेत. धरणक्षेत्रात झालेल्या पावसामुळे येलदरी, निम्न दुधना धरणातील पाणीसाठ्यात किंचित वाढ झाली आहे.
परभणीतील सर्व ५२ मंडलात मध्यम ते जोरदार स्वरूपाचा पाऊस झाला. पेडगाव ७२, झरी ६६, टाकळी कुंभकर्ण ६६, जिंतूर ६५.३, बोरी ६५, सावंगी म्हाळसा १०७, बामणी १०७, आडगाव ७८, दूधगाव ६६, वालूर ६८.३, कुपटा ६८.३, मोरेगाव ७०.५ या १२ मंडलात अतिवृष्टी झाली. मुसळधार पावसामुळे बांध फुटले, जमिनी खरडून गेल्याने पिकांचे नुकसान झाले. जिल्ह्यात गेल्या २४ तासांत सरासरी ४८.१ मिमी पाऊस झाला. हिंगोलीतील सर्व ३० मंडलात मध्यम ते मुसळधार पाऊस झाला.
हिंगोली १२०.३, नरसी नामदेव १२२.३, बासंबा ७७.८. डिग्रस कऱ्हाळे ११९.५, माळहिवरा ८१.५, खंबाळा १२६.५, टेंभुर्णी ७५.८, औंढा नागनाथ ७८, येळेगाव ७८.८, साळणा ७६.८, जवळा बाजार ७६.८ या ११ मंडलात अतिवृष्टी झालीजिल्ह्यात गेल्या २४ तासांत सरासरी ६८.४ मिलिमीटर तर जुलै महिन्यात एकूण सरासरी १९५.४ मिमी तर १ जून पासून एकूण सरासरी २४०.५ मिलिमीटर (७७.५ टक्के) पाऊस झाला.
मुसळधार पावसात हिंगोली ते भोसी रस्त्यावरील लोहगाव (ता. हिंगोली) या गावाजवळच्या नाल्यावरील पूल वाहून गेल्याने गावाचा संपर्क तुटला.पिके पाण्याखाली गेली.
मंडलनिहाय पाऊस (३० ते ६४ मिलिमीटर)
परभणी जिल्हा ः परभणी ५७.३, जांब ५६.३, सिंगणापूर ४७.३, दैठणा ४२.५, पिंगळी ४०.३, परभणी ग्रामीण ५२.८, चाराठणा ४८.५, वाघी धानोरा ४३.५, सेलू ४५.८, देऊळगाव ४५.३, चिलकठाणा ५३, मानवत ४२.५, केकरजवळा ३४, कोल्हा ५५.८, ताडबोरगाव ६०, रामपुरी ३४.३, पाथरी ५३, बाभळगाव ३४, हादगाव ४१, कासापुरी ४१.५, आवलगाव ३०.५, गंगाखेड ३२.३, महातपुरी३०.८, माखणी ३२.३, राणीसावरगाव ३२.३, पालम ३२.५, चाटोरी ३१.८, बनवस ३१.३, पेठशिवणी ३७, रावराजूर ३०.८, पूर्णा ३७.८, ताडकळस ४५.३, लिमला ३९.३, कात्नेश्वर ५८, चुडावा ३६.८, कावलगाव ३३.५.
हिंगोली जिल्हा ः सिरसम ४०.८, कळमनुरी ६३, वाकोडी ४८.८, नांदापूर ५४.८, आखाडा बाळापूर ५४.३, डोंगरकडा ४८.८, वारंगा ५५.३, वसमत ६२.८, आंबा ६०.३, हयातनगर ६२.८, गिरगाव ५७.३, हट्टा ६०, कुरुंदा ५१.३, सेनगाव ५७, गोरेगाव ४७.५, आजेगाव ४७.५, साखरा ३३.३, पानकन्हेरगाव ५२, हत्ता ५९.८.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.