Akola Rain : सातपुड्याच्या पायथ्याशी पावसाची जोरदार हजेरी

Akola News : गेल्या दोन दिवसांपासून या भागात अनेक तालुक्यांत कायम ढगाळ वातावरण असून पाऊसही झालेला आहे. प्रामुख्याने सातपुड्याच्या पायथ्याला असलेल्या तालुक्यांत पावसाने जोरदार हजेरीही दिलेली आहे.

अकोला जिल्ह्यात अकोट, तेल्हारा तालुक्यांत सर्वच मंडलांमध्ये चांगला पाऊस झालेला आहे. दोन दिवसांपासून या भागात रिमझिम स्वरूपाचा पाऊस काही मंडलांत झाला. मागील २४ तासांत सातपुड्याच्या पायथ्याला असलेल्या तालुक्यांत पावसाचा जोर अधिक होता.

अकोट मंडलात ४६.८ मिलिमीटर, मुंडगाव ३९, पणज ५७.५, कुटासा २०, आसेगाव ४०.८, उमरा ४६.८, अकोलखेड ५७.५, तेल्हारा ३७.८, माळेगाव बाजार ३७.८, हिवरखेड ५३, अडगाव बुद्रुक ४८.८, पाथर्डी ३२.३, पंचगव्हाण ३७.८, निंबा २४.८ असा पाऊस झाला. बुलडाणा जिल्ह्यात जळगाव मंडलात ६५.८, जामोद १५.३, पिंपळगाव काळे २२.८, वडशिंगी ३०.३, आसलगाव ३२.५, संग्रामपूर १०.५,

सोनाळा १०.५, पातुर्डा ३१.५, कवठळ ३६.३, शेगाव १७.३, माटरगाव १५.३, जलंब १४.८, मनसगाव २६.८, मलकापूर २४.५, दाताळा २१, नरवेल २१.५, धरणगाव २४.५, जांभूळधाबा १९.८, निमगाव २६, चांदूरबिस्वा २१.५ अशा प्रकारे काही मंडलांत जोरदार पाऊस झालेला आहे. वाशीम जिल्ह्यात मात्र पावसाचा जोर नाही. अनेक भागांत शेतकरी पावसाची प्रतीक्षा करीत आहेत.

तालुकानिहाय पाऊस (मिमीमध्ये)

जळगाव जामोद ३२.२

संग्रामपूर १९.९

शेगाव १४.०८

मलकापूर २२.३

मोताळा १०.१

नांदुरा १५.४

अकोट ३९.८

तेल्हारा ४१.३

मूर्तिजापूर १२.३