Crop Loan : खरिपातील पीककर्जासाठी शेतकऱ्यांचा उपोषणाचा इशारा

Kharif Season : यंदा मात्र उद्दिष्टपूर्ती झाली आणि पैशाची उपलब्धता नसल्याचे कारण देत कर्जास नकार देण्यात आला.
Crop Loan
Crop LoanAgrowon

Yavatmal News : यवतमाळ जिल्हा बॅंकेच्या जवळा शाखेतून दरवर्षी पीक कर्ज उपलब्ध करून दिले जाते. यंदा मात्र उद्दिष्टपूर्ती झाली आणि पैशाची उपलब्धता नसल्याचे कारण देत कर्जास नकार देण्यात आला. बॅंकेकडून या प्रकरणी तोडगा न निघाल्यास सोमवार (ता.११) पासून बेमुदत उपोषण करू, असा इशारा आर्णी तालुक्‍यातील शेतकऱ्यांनी दिला आहे.

आर्णी तालुक्‍यातील पांगरी, म्हसोला व पहूर या गावातील शेतकऱ्यांनी या बाबत निवेदन दिले आहे. त्यानुसार, हे शेतकरी यवतमाळ जिल्हा बॅंकेच्या जवळा शाखेचे नियमित ग्राहक आहेत. त्यासोबतच जवळा शाखेतूनच आम्हा शेतकऱ्यांना दरवर्षी खरिपात पीक कर्ज उपलब्ध होते.

Crop Loan
Crop Loan : खानदेशातील पीककर्जाचे शेकडो प्रस्ताव रखडले

या कर्जातून शेतीकामांसाठी लागणाऱ्या निविष्ठांची खरेदी, मशागतीसाठी लागणारा पैसा तसेच कुटुंबांच्या गरजांसाठी रकमेची तरतूद होते. मात्र २०२३-२४ या वर्षात बॅंकेकडून मात्र कर्ज पुरवठा करण्यात आला नाही. या प्रश्‍नी वारंवार शाखा व्यवस्थापकाशी संपर्क साधण्यात आला. परंतु त्यांच्याकडून अपेक्षित प्रतिसाद मिळाला नाही. त्यांनी त्रासून मुख्य प्रबंधकांशी संपर्क साधण्यास सांगितले.

Crop Loan
Crop Loan : पीककर्ज वाटपात बँकांची नकारघंटा

बॅंकेच्या या आडमुठेपणामुळे शेतकऱ्यांना मोठ्या अडचणींचा सामना करावा लागत आहे. परिणामी या निवेदनाची दखल घेत बॅंकेच्या माध्यमातून तत्काळ कर्ज पुरवठा करावा, अन्यथा सोमवार (ता.११) पासून पांगरी

येथील हनुमान मंदिर परिसरात बेमुदत उपोषण करू, असा इशारा देण्यात आला आहे. आर्णीचे तहसीलदार, ठाणेदार, बॅंकेचे शाखा व्यवस्थापक यांना हे निवेदन देण्यात आले आहे. निवेदनावर हरिभाऊ गावंडे, आनंद बारके, पवन सोनवाने, बळिराम राठोड, मुरलीधर अवथेर, संजीव पवार, विनोद राठोड आदींच्या स्वाक्षऱ्या आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com