जळगाव : एका राष्ट्रीयीकृत बँकेने (National Bank) पीक कर्ज (Crop Loan) नाकारल्याने धरणगाव (ता. जळगाव) येथील शेतकरी योगेश रामलाल पुरभे यांनी धरणगाव शहरात बेमुदत उपोषण सुरू केले आहे. शरद जोशीप्रणित (Sharad Joshi) शेतकरी संघटनेने या उपोषणाला पाठिंबा दिला आहे. संघटनेचे माजी उत्तर महाराष्ट्र विभाग अध्यक्ष कडूअप्पा पाटील (Kaduappa Patil)यांनी उपोषणस्थळी जाऊन पुरभे यांची भेट घेतली.
तसेच या उपोषणात काही वेळ सहभागी होऊन शेतकऱ्यांच्या मागण्यांचे समर्थन केले. सोमवारपासून (ता.१९) हे उपोषण धरणगाव येथील युनियन बँकेच्या शाखेसमोर सुरू केले आहे. बँकेकडून योगेश यांनी कर्ज घेतले होते.
कोविड काळात ते थकबाकीदार झाले. यानंतर २ फेब्रुवारी २०२२ रोजी पीक कर्जाची रक्कम व्याजासह बँकेत भरली. बँकेने पीक कर्ज भरताना नव्याने पीक कर्ज देऊ, असे सांगितले होते. त्यासाठी योगेश यांनी कागदपत्रांची जुळवाजुळव केली. त्यासाठी १० ते १२ हजार रुपये लागले.
ही कागदपत्रे बँकेत प्रमुख अधिकाऱ्याकडे सादर केली. पण दोन महिने पीक कर्ज दिलेच नाही. नंतर बँकेतील कृषिसंबंधी कामकाज पाहणाऱ्या अधिकाऱ्याकडे पीक कर्जाची फाइल पोचली.त्यांनीही तीन महिने पीक कर्ज दिलेच नाही. पाच महिने हा प्रकार झाला. नंतर बँकेने योगेश यांचे बंधू थकबाकीदार असल्याचे कारण सांगून त्यांना पीक कर्ज नाकारले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
