![watermelon](http://media.assettype.com/agrowon%2F2023-02%2F5133cb79-7bc0-47b2-b801-607f1075b7b2%2F______________________________________________2023_02_22T173512_139.png?rect=0%2C0%2C1200%2C675&w=480&auto=format%2Ccompress&fit=max)
Solapur News : कलिंगडाच्या निकृष्ट दर्जाच्या रोपांचा पुरवठा (Watermelon Seedling) झाल्याने केडगाव (ता. करमाळा) येथील सागर गायकवाड या शेतकऱ्याचे सुमारे दोन लाख रुपयांचे आर्थिक झाले असून, या नुकसानीची भरपाई मिळावी, अशी मागणी शेतकऱ्याने संबंधित कंपनी आणि रोपवाटिकाधारकाकडे केली आहे. पण अद्यापही त्यांच्याकडून त्यांना दाद मिळालेली नाही.
केडगाव येथील सागर गायकवाड या युवा शेतकऱ्याने माढा तालुक्यातील एका खासगी रोपवाटिकेतून दोन एकर क्षेत्रावर कलिंगडासाठी सुमारे अकरा हजार रोपे खरेदी केली.
त्यासाठी आवश्यक सर्व मशागत करून बारा डिसेंबर रोजी कलिंगडाची लागवड केली. योग्य खत-पाणी व्यवस्थापन करून उत्कृष्ट असा प्लॉट तयार केला.
अगदी दोन किलोपासून पाच किलो वजनाचे कलिंगड त्यांच्याकडे तयार झाले. परंतु हे कलिंगड फोडल्यानंतर आत लाल गर निघायला हवा, पण पूर्णपणे अर्धेकच्चे आणि पांढरा गर निघत आहे, शिवाय त्याला चवही नाही.
आता व्यापाऱ्यांनी या कलिंगडाच्या खरेदीला नकार दिला आहे. केवळ निकृष्ट दर्जाच्या रोपांमुळे हा प्रकार घडल्याचे सागर यांचे म्हणणे आहे. या संबंधी संबंधित कंपनी आणि रोपवाटिकाधारकाकडे तक्रार केली. पण उडवाउडवीची उत्तरे मिळत आहेत. आता कृषी विभागालाही त्यांनी तक्रार दिली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.