अकोला ः विदर्भ मार्केटिंग फेडरेशनच्या (Vidarbh Marketing Federation) अध्यक्षपदी डॉ. राजेंद्र शिंगणे (Dr. Rajendra Shingane) यांची व उपाध्यक्षपदी आमदार सुभाष धोटे यांची नियुक्ती झाली आहे. विदर्भाच्या सहकार क्षेत्रात ही एक महत्त्वाची संस्था मानली जाते. डॉ. शिंगणे दुसऱ्यांदा अध्यक्ष म्हणून निवडून आले आहेत.
काही दिवसांपूर्वी या संस्थेच्या संचालकांची नियुक्ती झाल्यानंतर शुक्रवारी (ता. २५) अध्यक्ष, उपाध्यक्षांची निवड झाली. यात डॉ. शिंगणे व आमदार धोटे यांची बिनविरोध निवड झाली.
सिंदखेडराजा विधानसभा मतदारसंघातून राष्ट्रवादी काँग्रेसचे प्रतिनिधित्व करीत असलेले डॉ. शिंगणे यापूर्वीही या संस्थेचे अध्यक्ष राहिले आहेत. संस्थेचे सुमारे २१ संचालक आहेत. या संस्थेवर राष्ट्रवादी काँग्रेसने आपले वर्चस्व टिकवून ठेवले आहे. विदर्भात सहकार क्षेत्रात या संस्थेचे काम आहे.
विदर्भ मार्केटिंग फेडरेशन ही शेतकऱ्यांची विदर्भातील सर्वांत मोठी संस्था आहे. राज्यात या संस्थेचे नाव आहे. सहकारात काम करणाऱ्या खरेदी-विक्री संस्था, जिनिंग प्रेसिंगच्या माध्यमातून शेतकऱ्यांना मदतीचे काम केले जाते. नव्याने आता राईस मिल टाकणार आहोत. एनपीकेची फॅक्टरी उभारत आहोत. गेल्या पाच वर्षांत संस्थेला पुढे नेण्याचे काम केले. आगामी काळात संस्थेचे कामकाज, खरेदी-विक्रीमध्ये सहभाग वाढवून शेतकऱ्यांना अधिकाधिक मदत करण्याचे धोरण कायम राहणार आहे.
- आ. डॉ. राजेंद्र शिंगणे, अध्यक्ष, विदर्भ मार्केटिंग फेडरेशन, नागपूर
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.