किरीट सोमय्यांविरुद्ध देशद्रोहाचा गुन्हा नोंदवा

अमरावती : भाजपचे नेते किरीट सोमय्या (BJP leader Kirit Somaiya) यांच्याविरुद्ध देशद्रोहाचा गुन्हा दाखल (Charges of treason filed) करावा, अशी मागणी करीत शिवसैनिकांनी राजकमल चौक येथे आंदोलन केले.
भाजप नेते किरीट सोमय्या यांनी आयएनएस विक्रांतच्या (INS Vikrant) नावाखाली कोट्यवधी रुपये हडपले आहेत. त्यांच्याविरोधात देशद्रोहाचा गुन्हा (Crime of treason) दाखल करावा, अशी मागणी शिवसेनेने केली आहे. अमरावतीमध्येही शिवसैनिकांनी ही मागणी लावून धरत राजकमल चौक येथे आंदोलन (Agitation) केले.

आंदोलनादरम्यान (Agitation) शिवसैनिकांनी (Shiv Sainiks) सोमय्यांविरोधात घोषणाबाजी केली. त्यांच्याविरोधात जोरदार घोषणाबाजी करीत अटक करण्याची मागणी करण्यात आली. या वेळी शिवसेनेचे जिल्हाप्रमुख श्याम देशमुख, शिवसेना सहसंपर्क प्रमुख प्रवीण हरमकर, तालुकाप्रमुख आशिष धर्माळे, प्रवीण अळसपुरे, युवासेना जिल्हाप्रमुख स्वराज ठाकरे, युवासेना जिल्हाप्रमुख श्याम धाने-पाटील, गजू वाकोडे, उपमहानगर प्रमुख सुनील राऊत, संजय शेटे, राजेश बंड, माजी शिवसेना तालुकाप्रमुख नीलेश जामठे यांच्यासह शेकडो शिवसैनिक आंदोलनात सहभागी झाले.