Swabhimani Shetkari Sanghtana : हरभरा खरेदीसाठी ‘स्वाभिमानी’चे आंदोलन

Parbhani Farmer Protest : शासनाने तत्काळ हमीभावाने हरभरा खरेदी सुरू करावी या मागणीसाठी स्वाभिमानी शेतकरी संघटनेतर्फे मंगळवारी (ता. २८) परभणी येथील जिल्हाधिकारी कार्यालयात हरभरे फेकण्यात आले.

जिल्ह्यात हरभरा काढणीला एक महिन्यापासून सुरुवात झाली आहे. खुल्या बाजारात हमीभावापेक्षा कमी दराने खरेदी केली जात आहे.

शासकीय खरेदी केंद्रावर अद्याप शेतकरी नोंदणी सुरू नाही. १५ मार्चपासून हरभरा खरेदीस सुरुवात होणार आहे. त्यामुळे शेतकऱ्यांना नाईलाजाने खुल्या बाजारात प्रतिक्विंटल ४ हजार ते ४२०० रुपये एवढ्या कमी दराने हरभरा विकावा लागत आहे.

'हमीभावापेक्षा कमी भावामुळे शेतकऱ्यांचे क्विंटलमागे १००० रुपयांचे नुकासन होत आहे. त्यामुळे शासकीय हरभरा खरेदी केंद्र तत्काळ सुरू करावीत; अन्यथा तीव्र आंदोलन छेडण्यात येईल, असा इशारा स्वाभिमानी शेतकरी संघटनेचे जिल्हाध्यक्ष किशोर ढगे, रामप्रसाद गमे, मुंजाभाऊ लोडे, भास्कर खटिंग, केशव आरमळ, प्रसाद गरुड, रामभाऊ अवरगंड, बाळासाहेब घाटोळ, विजय कोल्हे, माऊली लोडे, अंकुश शिंदे, हनुमान शिंदे, कृष्णा शिंदे, अर्जुन बागल आदींनी दिला.