Satara Monsoon Update: सातारा जिल्ह्यात मागच्या दोन दिवसांपासून होत असलेल्या पावसामुळे पाटण, महाबळेश्वर या भागात अतिवृष्टी झाली. दरम्यान कोयना धरण पाणलोट क्षेत्रात पडत असलेल्या मुसळधार पावसामुळे कृष्णा नदीच्या पाणीपातळीत वाढ होत आहे.
तसेच कोयना धरणाच्या पाणीसाठ्यात झपाट्याने वाढ होत आहे. आज (ता.२०) सकाळी आठ वाजेपर्यंत कोयना धरणाचा पाणीसाठा ३७.३६ टीएमसी (३५.४९%) वर पोहोचला आहे.
काल सकाळपासून धरणाच्या पाणीसाठ्यात तब्बल ६ टीएमसीची वाढ झाली आहे. धरणात एकूण आवक ७४, ५६९ क्यूसेक्स आहे. तर धरणाचा विसर्ग पूर्णपणे बंद आहे. कोयना धरण पाणलोट क्षेत्रात मुसळधार पाऊस पडत असून गेल्या २४ तासात कोयनानगर – २५३ मि.मी., नवजा – २७२ मि.मी., महाबळेश्वर – ३३१ मिलीमीटर पावसाची नोंद झाली.
कास धरण भरले
सातारा शहरास पाणीपुरवठा करणारे कास धरण १०० टक्के भरल्याने सातारकरांची पाण्याची चिंता मिटली आहे. दरम्यान धरणाची उंची वाढवण्यात आल्यानंतर पहिल्याच वर्षी ०.५ टीएमसी पाणीसाठा झाला आहे. धरण भरल्यामुळे सातारकरांनी समाधान व्यक्त केले.
कास धरणातून सातारा शहराला पाण्याचा पुरवठा केला जातो यामुळे सातारा नगरपरिषदेने यंदा धरण वाढवण्याचे काम केले आहे. अशातच पावसाने उशिरा सुरूवात केली. त्यामुळे कास धरण पाणलोट क्षेत्रातही फारसा पाऊस नव्हता. त्यामुळे धरण पाणी पातळी वाढण्यास उशिर होत होता.
दरम्यान मागच्या आठ दिवसांपासून धरण परिसरात पावसाचे प्रमाण वाढल्याने पाणीसाठ्यात वाढ झाली होती. मात्र दोन-तीन दिवसांपासून पावसाचा जोर वाढल्याने कास धरण काल (ता.१९) भरले. सध्या कास धरणाची पाणीपातळी सुमारे ६० फूट इतकी झाली आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.