Latest Agriculture News महाडीबीटी पोर्टलवर (MahaDBT Portal) शेतकऱ्यांना अर्ज करण्याची सुविधा २४ तास उपलब्ध असून समाजमाध्यमातून पसरविण्यात येणाऱ्या अफवांवर विश्वास ठेवू नये, असे आवाहन कृषि विभागामार्फत (Agriculture Department) करण्यात आले आहे.
राज्य सरकारच्या कृषी विभागामार्फत विविध योजनांच्या लाभासाठी महाडीबीटीवर ऑनलाईन अर्जाची सुविधा उपलब्ध आहे.मात्र, योजनांचा लाभ घेण्यासाठी महाडीबीटी पोर्टलवर ऑनलाइन अर्जाची व सोडतीची मुदत १५ मेपर्यंत असून १५ मे नंतर जवळपास २ ते ३ महिने ऑनलाइन शेतकरी निवड सोडत होणार नाही, अशा आशयाचे संदेश अज्ञातांमार्फत विविध सामाज माध्यमांवर पसरविण्यात येत आहेत.
महाडीबीटी पोर्टल संदर्भात अशाप्रकारचा कोणताही संदेश किंवा माहिती कृषी विभागामार्फत देण्यात आलेली नाही, कृषी विभागाने स्पष्ट केले आहे. शेतकऱ्यांना ऑनलाईन अर्ज करण्यासाठी २४ तास सुविधा उपलब्ध आहे.
तसेच अर्ज केलेल्या घटकांची सोडत शेतकऱ्यांनी केलेल्या अर्जानुसार व आवश्यकतेनुसार दर आठवड्याला काढण्यात येत असल्याचे कृषी विभागाकडून सांगण्यात आले आहे.
दरम्यान, शेतकऱ्यांनी https://mahadbt.maharashtra.gov.in/ या पोर्टलवर शेतकरी योजना या पर्यायावर जाऊन विविध लाभाच्या घटकांसाठी अर्ज करावेत, असेही आवाहन कृषी विभागाकडून करण्यात आले आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
