Lumpy : राजापुरात २० जनावरांचा ‘लम्पी स्कीन’मुळे मृत्यू

राजापूर, जि. रत्नागिरी ः गेल्या काही दिवसांमध्ये तालुक्यामध्ये ‘लम्पी स्कीन’ने (Lumpy Skin) पुन्हा डोके वर काढले आहे. अनेक गावांमधील जनावरांना लम्पी स्कीन (Lumpy) आजाराचा प्रादुर्भाव झाल्याचे चित्र आहे.

तालुक्यातील दीडशेहून अधिक गुरांना (Animal) या आजाराचा प्रादुर्भाव झाला होता. त्यापैकी २० गुरे मृत्युमुखी पडली तर उर्वरित जनावरे पशुविभागाने लसीकरणासह (lumpy Vaccination) अन्य तातडीने उपचार केल्यामुळे बरी झाली आहेत.

अद्यापही २३ गुरे ‘लम्पी स्कीन’ने ग्रस्त आहेत. त्यांच्यावर उपचार सुरू आहेत, अशी माहिती तालुका पशुवैद्यकीय विभागाकडून देण्यात आली.

लम्पी स्कीनचा संसर्ग रोखण्यासाठी पशुवैद्यकीय विभागाकडून जोरदार प्रयत्न आणि उपाययोजना केल्या जात आहेत. मात्र तरीही शहरामध्ये गेल्या काही दिवसांपासून आजारग्रस्त जनावरे मोकाटपणे फिरत असल्याचे चित्र आहे.

त्यामुळे अन्य जनावरांना आजाराचा संसर्ग होण्याची शक्यता आहे. त्यामुळे संसर्ग झालेली जनावरे मोकाट सोडू नयेत, अन्यथा त्यांच्या मालकांवर कारवाई करावी, अशी मागणी शेतकरी, पशुपालकांनी केली आहे.