Sindhudurg News : कृषी विभागामार्फत राबविण्यात येणाऱ्या कृषी यांत्रिकीकरण योजनेचा जिल्ह्यातील ८७३ शेतकऱ्यांनी लाभ घेतला असून या शेतकऱ्यांच्या खाती १ कोटी ७२ लाख ८१ हजार ७५७ रुपये इतके अनुदान जमा करण्यात आले आहे.
शेतीमध्ये आधुनिक तंत्रज्ञानाचा अवलंब शेतकऱ्यांनी करावा यासाठी कृषी विभागामार्फत गेल्या काही वर्षापासून यांत्रिकीकरण योजना राबविण्यात येत आहे. राज्य कृषी यांत्रिकीकरण, कृषी यांत्रिकीकरण उपअभियान आणि राष्ट्रीय कृषी विकास योजना अशा विविध योजनाच्या माध्यमातून यांत्रिकीकरणाचा लाभ दिला जातो.
या योजनेत पारदर्शकता आणण्यासाठी शासनाने ऑनलाईन अर्ज भरण्याची सक्ती करण्यात आली आहे. दरम्यान जिल्ह्यातील १ हजार २०० हून शेतकऱ्यांनी यांत्रिकीकरणासाठी अर्ज केले होते. त्यापैकी प्राधान्यक्रमाने जिल्ह्यातील ८७३ शेतकऱ्यांना लाभ देण्यात आला.
या शेतकऱ्यांच्या खात्यात १ कोटी ७२ लाख ७१ हजार ७५७ रुपये अनुदान जमा करण्यात आले. या योजनेतून शेतकऱ्यांना पावर टिलर, विडर, ग्रास कटर, फवारणी यंत्र, भात कापणी यंत्र, मळणी यंत्र यासह शेतीशी संबधित विविध साहित्य दिले जाते.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
