Bhandara News : पूर्व विदर्भातील भंडारा जिल्हा धान उत्पादनासाठी ओळखला जातो. मात्र याच जिल्ह्यातील पाहूनी गावचे लांजेवार कुटुंबियांनी पीठगिरणीच्या माध्यमातून गव्हावर प्रक्रिया करीत स्वतःचा ‘मालती चक्‍की फ्रेश आटा’ ब्रॅण्ड नावावरुपास आणला आहे. खासगी कंपन्यांना टक्‍कर देईल अशाप्रकारचे पॅकिंग आटा विक्रीसाठी करण्यात आले आहे.
संतोष व त्यांच्या पत्नी शीतल या व्यवसायात राबतात. त्यांनी दिलेल्या माहितीनुसार, संतोष यांच्या आई मालती यांचा गेल्या २० वर्षांपासून पीठगिरणी, मिरची- मसाले कांडप व्यवसाय आहे. छोट्या स्वरूपात हा व्यवसाय होता.
ग्राहकांकडून आलेले धान्य दळून देणे व मिरची, मसाले काढणे अशी कामे या ठिकाणी होत होती. कोरोना कालावधीत गव्हाच्या पिठाची उपलब्धता होण्यात अडचणी असल्याने ग्राहकांकडून त्यांच्याकडून आट्याला मागणी वाढली. हीच संधी मानत त्यांनी या व्यवसायाला मोठे स्वरूप देण्याचा निर्णय घेतला.
आकर्षक पॅकिंगमध्ये विक्री
पीएमएफई अंतर्गत उद्योग उभारणीकरिता कर्जाची मागणी करण्यात आली. युनियन बॅंक ऑफ इंडियाकडून त्यांना मार्च २०२३ मध्ये २४ लाख ९० हजार रुपयांचे कर्ज मंजूर झाले. त्यांच्याकडे पीठगिरणी, कांडप यंत्र वगैरे होते; केवळ आधुनिक सयंत्र, पॅकिंग अशा सयंत्रांची गरज होती.
४२ लाख रुपयांतून अशा संयंत्रांची खरेदी करण्यात आली. गाठीशी असलेला पैसा, काही खासगी निधी याकरिता जोडण्यात आला. मॅन्युअल पॅकिंग मशीन खरेदी करण्यात आली आणि आता उत्पादीत वस्तुंची आकर्षक पॅकिंगमध्ये विक्री करण्यावर भर देण्यात आला आहे.
- संतोष लांजेवार ९०४९१८८९८८
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.