यंदाच्या नवरात्रीत गरबा नाईटसाठी तुम्ही साधा किंवा हेवी कोणताही आउटफिट निवडला असेल, तरी त्याला पारंपरिक टच देण्याचे काम ऑक्सिडाइज्ड दागिने करतात.
ऑक्सिडाइज्ड दागिन्यांशिवाय गरबा लुक हा अपूर्णच मानला जातो.
जर ब्लाउजवर डिझाईन किंवा वर्क असेल, तर चोकरऐवजी लांब लेयर्ड हार किंवा घुंगरू असलेली माळ परिधान करा.
जर तुम्हाला गळ्यात काही घालायचे नसेल, तर फक्त मोठे ऑक्सिडाइज्ड झुमके, चांदबाल्या किंवा सुया-दोरा डिझाईनचे कानातले घाला.
दोन्ही हातांत न घालता एकाच हातात कोपरभर ऑक्सिडाइज्ड बांगड्या आणि घुंगरू असलेले कडे घाला.
हातात मोठ्या आकाराच्या आरसा लावलेल्या किंवा विंटेज डिझाईनच्या ऑक्सिडाइज्ड अंगठ्या खूप सुंदर दिसतात.
जर तुम्ही घागरा-चोली किंवा साडी नेसणार असाल, तर कंबरेला एक छानसा ऑक्सिडाइज्ड कंबरपट्टा नक्की लावा.