Maharashtra Rain Update : राज्यातील १७ जिल्ह्यात येलो अलर्ट; विदर्भात पावसाचा जोर वाढणार 

Pune News : राज्यात काही ठिकाणी सकाळपासून हलक्या ते मध्यम पावसाच्या सरी हजेरी लावत आहेत. राज्यातील १७ जिल्ह्यांमध्ये काही ठिकाणी हलक्या ते मध्यम पावसाची शक्यता हवामानशास्त्र विभागाने वर्तवली आहे. तर उर्वरित जिल्ह्यात पाऊस उघडीप देण्याचा अंदाजही वर्तवण्यात आला आहे. 

कोकणातील ठाणे, रायगड, रत्नागिरी सिंधुदुर्ग जिल्ह्यात तुरळक ठिकाणी मध्यम पावसाची शक्यता आहे. तर धुळे, नंदूरबार, नाशिक जिल्ह्यात काही ठिकाणी हलक्या स्वरूपाच्या सरीचा अंदाज आहे.

तर पुणे कोल्हापूर सातारा जिल्ह्यासह विदर्भातील अमरावती, भंडारा, चंद्रपुर, गडचिरोली, गोंदिया, नागपूर, वर्धा, जिल्ह्यात तुरळक ठिकाणी वारे आणि वीजांसह पावसाची शक्यता हवामानशास्त्र विभागाने वर्तवली आहे. 

मागील दोन आठवड्यापासून राज्यातील विविध भागात पावसानं हजेरी लावली होती. आता पुढील पाच दिवस विदर्भातील अमरावती, भंडारा, चंद्रपुर, गडचिरोली, गोंदिया, नागपूर, वर्धा, बुलढाणा, वाशिम, यवतमाळ वाशिम, जिल्ह्यात तुरळक ठिकाणी येलो अलर्ट हवामानशास्र विभागाने दिला आहे. तर उर्वरित राज्यात प्रामुख्याने उघडीप राहण्याची शक्यता हवामान विभागाने दिली आहे.