Pune News : राज्यात यंदाच्या हंगामात गारठा तुलनेने कमीच असल्याचे दिसून आले आहे. ढगाळ हवामान, पावसाची हजेरी यामुळे किमान तापमान वाढल्याने थंडीच्या लाटा कमी झाल्या आहेत. आज (ता. १८) राज्यात आकाश मुख्यतः निरभ्र राहून कमाल आणि किमान तापमानात चढ-उतार होण्याची शक्यता हवामान विभागाने वर्तविली आहे.
आग्नेय अरबी समुद्रामध्ये केरळच्या किनाऱ्यालगत चक्राकार वाऱ्यांची स्थिती निवळून गेली आहे. उत्तर भारतात ११५ नॉट्स वेगाने पश्‍चिमेकडील जोरदार वाऱ्यांचे झोत वाहत आहेत. पश्‍चिमी चक्रवातांच्या तीव्रतेनुसार थंडी कमी अधिक होत आहे. शुक्रवारी (ता. १७) पंजाबच्या पठाणकोट येथे देशाच्या सपाट भूभागावरील नीचांकी २.८ अंश सेल्सिअस तापमानाची नोंद झाली.
राज्याच्या अनेक भागांत धुक्याची दुलई पाहायला मिळत आहे. ढगाळ हवामानामुळे थंडी गायब झाल्याने किमान तापमानाचा पारा १५ अंशांच्या वर सरकला आहे. किमान तापमानात वाढ झाली असतानाच उन्हाचा चटका वाढून उकाड्यातही वाढ झाल्याचे दिसून येत आहे. शुक्रवारी (ता. १७) धुळे येथील कृषी महाविद्यालयात राज्यातील नीचांकी १२.४ अंश सेल्सिअस तापमानाची नोंद झाली.
शुक्रवारी (ता. १७) सकाळपर्यंच्या २४ तासांत रत्नागिरी येथे ३४ अंश सेल्सिअस तापमानाची नोंद झाली. आज (ता. १८) राज्यात मुख्यतः निरभ्र आकाश राहण्याचा तसेच कमाल आणि किमान तापमानात चढ-उतार होण्याची शक्यता हवामान विभागाने वर्तविली आहे.
शुक्रवारी (ता. १७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---३१.२---१५.५
अहिल्यानगर---३०.८---१६.३
धुळे---२९---१२.४
जळगाव---२९.६---१६.४
जेऊर---३१.५---१४.५
कोल्हापूर---३०.६---२१.१
महाबळेश्‍वर---२४.५---१४.७
मालेगाव---२७.८---१७.२
नाशिक---२९.८---१७.८
निफाड---२९.२---१६.८
सांगली---३१.८---२०.८
सातारा---३१.७---१७.६
सोलापूर---३२.२---२२.१
सांताक्रूझ---३०.९---१९.८
डहाणू---२६.८---१८.२
रत्नागिरी---३४---२२.६
छत्रपती संभाजीनगर---२९.४---१६.४
धाराशिव---२९.१---१७.६
परभणी---२९.१---१५.५
परभणी (कृषी)---२८.६---१३.८
अकोला---३२.१---१६.२
अमरावती---३०.८---१७.५
भंडारा---२८.४---१६
बुलडाणा---२९.५---१५.८
ब्रह्मपुरी---३०.२---१६.२
चंद्रपूर---२९.२---निरंक
गडचिरोली---२८---१४.६
गोंदिया---२७.२---१६.८
नागपूर---२६---१७.१
वर्धा---२६.१---१७
वाशीम---२९.६---१९
यवतमाळ---२८.४---१८
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.