Rain Alert: राज्यात वादळी पावसाचा अंदाज; मराठवाडा, मध्य महाराष्ट्र, विदर्भात अवकाळी देणका देणार ?

Pune News: राज्यातील काही भागात अवकाळी पावसासाठी पोषक वातावरण आहे. मागील दोन दिवसांपासून दुपारपर्यंत उन्हाचा चटका आणि दुपारनंतर वादळी पाऊस हजेरी लावत आहे. पुढील चार दिवस राज्यातील काही भागात वादळी पावसाची शक्यता हवामान विभागाने व्यक्त केली. 

विदर्भातील काही भागात पावसाचा अंदाज आहे. विदर्भातील बुलडाणा, अकोला, अमरावती, वाशीम, यवतमाळ, नागपूर, भंडारा, गोंदीया, चंद्रपूर, वर्धा आणि गडचिरोली जिल्ह्यात पुढील ४ चार दिवस काही ठिकाणी विजा आणि ढगांच्या गडगडाटासह वादळी पावसाचा अंदाज देण्यात आला.

मराठवाड्यातही काही भागात पावसाचा अंदाज आहे. छत्रपती संभाजीनगर, जालना, बीड, परभणी, धाराशीव, नांदेड, हिंगोली आणि लातूर जिल्ह्यातही काही ठिकाणी वादळी पावसाचा अंदाज आहे. 

मध्य महाराष्ट्रातील पुणे, सातारा, सांगली, कोल्हापूर, सोलापूर, अहिल्यानगर जिल्ह्यात पुढील ५ दिवस विजा आणि ढगांच्या गडगडाटासह वादळी पावसाचा अंदाज आहे.

खानदेशातील जळगाव, धुळे आणि नंदूरबार जिल्ह्यातही काही ठिकाणी विजा आणि ढगांच्या गडगडाटासह वादळी पावसाचा अंदाज आहे. कोकणातील सिंधुदूर्ग, रत्नागिरी, रायगड, मुंबई, ठाणे आणि पालघर जिल्ह्यातही पुढील ५ दिवस वादळी पावसाचा अंदाज आहे.