Maharashtra Weather Update : राज्यातील तापमानातील वाढ कायम; काही भागात ढगाळ वातावरणाचा अंदाज

Pune News : राज्यातील काही भागात अंशतः ढगाळ वातावरण दिसत आहे. उत्तर भारतात थंडी कमी असल्याचा परिणाम राज्यातही दिसत आहे.

राज्यातील बहुतांशी भागांमध्ये थंडी कमी झाली आहे. त्यामुळे उकाडाही जाणवत आहे. राज्यातील तापमानात चढ उतार राहतील, असा अंदाज हवामान विभागाने दिला आहे.

उत्तर भारतातील राज्यांमध्ये थंडीचा कडाका अद्यापही कमीच आहे. उत्तर भारतातील बहुतांशी भागात किमान तापमानात वाढ दिसून आली. आज राजस्थानच्या ‘चित्तोडगड’ येथे देशाच्या सपाट भूभागावरील नीचांकी ५.३ अंश सेल्सिअस तापमानाची नोंद झाली.

उत्तर भारतातील काही भागात मात्र दाट धुक्याची चादर दिसून येत आहे. धुक्यामुळे काही भागात पिकांवरदेखील परिणाम होत आहे.

राज्यातील बहुतांशी भागात तापमानात वाढ झाली आहे. त्यामुळे थंडी कमी झाली. तापमनातील चढ उतार असल्याने सकाळी काहीशी थंडी आणि दुपारनंतर उकाडा अशी परिस्थिती सध्या ताणवत आहे.

विदर्भात तापमाातील वाढ जास्त दिसत आहे. तर काही भागात अंशतः ढगाळ वातावरण होते. हवामान विभागाने राज्यातील तापमानात चढ उतार राहील, असा अंदाज व्यक्त केला आहे.