Pune News : राज्यातील तापमानात वाढ होत असल्याने उन्हाचा चटका असह्य होत आहे. विदर्भ चांगलाच तापला असून अकोल्यात देशातील सर्वाधिक तापमानाची नोंद झाली. तर विदर्भात उष्णतेच्या लाटेचा इशारा असून राज्यातील काही भागात वादळी पावसाचाही अंदाज आहे, असे हवामान विभागाने स्पष्ट केले.
हवामान विभागाने आज पुणे, नगर, सोलापूर, बीड, लातूर, धाराशिव जिल्ह्यांमध्ये काही ठिकाणी पावसाचा अंदाज दिला. पुणे आणि लातूर वगळता यावेळी वादळी वारे आणि वाजांसह मेघगर्जनेसह पाऊस होईल, असा अंदाज आहे.
तसेच उद्या आणि परवा म्हणजेच शुक्रवारी आणि शनिवारी कोल्हापूर, सांगली, सोलापूर, बीड, लातूर, धाराशिव, भंडारा, चंद्रपूर, गडचिरोली, नागपूर आणि वर्धा या जिल्ह्यांमध्ये काही ठिकाणी विजा आणि मेघगर्जनेसह वादळी पावसाचा अंदाज हवामान विभागाने दिला. तर नांदडे जिल्ह्यात काही ठिकाणी शनिवारी पाऊस पडेल, असाही अंदाज वर्तविण्यात आला.
विदर्भातील दोन जिल्ह्यांमध्ये उष्णतेच्या लाटेचा इशारा देण्यात आला. शुक्रवारी आणि शनिवारी विदर्भातील बुलडणा आणि अकोला जिल्ह्यातील काही भागात उष्णतेच्या लाटेचा इशारा दिला. तर देशातील सर्वाधिक तापमानाची नोंद अकोला येथे झाली असून ४२.८ अंश सेल्सिअस तापमानाची नोंद झाली. तर बुलडाणा येथील तापमानात तब्बल ४.६ अंशाची वाढ झाली असून तापमान ४१ अंशावर पोचले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.