Paus Andaj : विदर्भ, मराठवड्यात पावसाचा अंदाज; राज्यातील विदर्भातील काही जिल्ह्यांना पावसाचा येलो अलर्ट

Pune News : राज्यातील काही भागात रविवारी आणि सोमावारी हलक्या पावसाचा अंदाज हवामान विभागाने दिला. मराठवाडा आणि विदर्भात पावसाची शक्यता आहे. तर विदर्भात काही ठिकाणी पावसाचा येलो अलर्ट देण्यात आला.

हवामान विभागाने विदर्भातील काही जिल्ह्यांना रविवारी आणि सोमवारी पावसाचा येलो अलर्ट दिला आहे.

रविवारी विदर्भातील अकोला, अमरावती, भंडारा, बुलडाणा, चंद्रपूर, गडचिरोली, गोंदीया, नागपूर, वर्धा, वाशीम आणि यवतमाळ जिल्ह्यांमध्ये काही ठिकाणी विजा आणि ढगांच्या गडगडाटासह हलक्या पावसाचा येलो अलर्ट हवामान विभागाने दिला.

तर मराठवाड्यातील परभणी, हिंगोली, नांदेड, लातूर जिल्ह्यात काही ठिकाणी हलक्या सरी पडतील, असाही अंदाज हवामान विभागाने दिला. 

सोमवारी विदर्भातील अमरावती, भंडारा, गोंदीया आणि नागपूर जिल्ह्यात जिल्ह्यात काही ठिकाणी विजा आणि ढगांच्या गडगडाटासह हलक्या पावसाचा येलो अलर्ट हवामान विभागाने दिला. तर विदर्भातील जालना, परभणी, हिंगोली, नांदेड या जिल्ह्यांमधील काही ठिाकणी हलक्या पावसाची सरी पडेल, असाही अंदाज हवामान विभागाने दिला.