Rain Forecast : कोकण, घाटमाथा, पूर्व विदर्भात पावसाचा इशारा

Latest Rain Prediction : रायगड, रत्नागिरीसह पुणे, सातारा जिल्ह्याच्या घाटमाथ्यावर जोरदार पावसाचा 'ऑरेंज अलर्ट' देण्यात आला आहे.
Rain Forecast
Rain ForecastAgrowon
Published on
Updated on

Weather Update Pune : बंगालच्या उपसागरातील कमी दाब क्षेत्र पोषक ठरल्याने राज्यात पाऊस पुन्हा सुरू होण्याची शक्यता आहे. आज (ता. २) कोकण, घाटमाथा, पूर्व विदर्भात तुरळक ठिकाणी जोरदार पावसाचा इशारा आहे.

रायगड, रत्नागिरीसह पुणे, सातारा जिल्ह्याच्या घाटमाथ्यावर जोरदार पावसाचा 'ऑरेंज अलर्ट' देण्यात आला आहे. तर खानदेश, मराठवाडा आणि विदर्भात तुरळक ठिकाणी विजांसह पावसाची शक्यता हवामान विभागाने वर्तविली आहे.

बंगालच्या उपसागरात तयार झालेल्या कमी दाब क्षेत्राची तीव्रता वाढून, पश्चिम बंगाल आणि बांग्लादेशच्या किनाऱ्यालगत वादळी प्रणालीची निर्मिती (डीप डिप्रेशन) झाली आहे. ही प्रणाली मंगळवारी सायंकाळनंतर बांग्लादेशाच्या किनाऱ्याला धडकली.

ही कमी दाब प्रणाली आज (ता. २) वायव्येकडे सरकून पश्चिम बंगालकडे जाण्याचे संकेत आहे. मॉन्सूनचा आस असलेला कमी दाब पट्ट्याचे पश्चिमेकडील टोक हिमालयाच्या पायथ्याकडे गेले आहे. मॉन्सूनचा आस गोरखपूर, पाटना, श्रीनिकेतन, कैनिंग, कमी दाबाचे केंद्र ते ईशान्य बंगालच्या उपसागरापर्यंत सक्रिय आहे.

Rain Forecast
Maharashtra Rain Forecast : राज्यात पावसाचा जोर ओसरणार

राज्यात पावसाने उघडीप दिली असून, ढगाळ हवामानासह ऊन सावल्यांचा खेळ सुरू आहे. अधून-मधून हलक्या सरी येत आहेत. आज (ता. २) कोकण, घाटमाथा, पूर्व विदर्भात तुरळक ठिकाणी जोरदार पावसाचा इशारा आहे.

Rain Forecast
Rain Forecast : कोकण, घाटमाथ्यावर पाऊस पुन्हा जोर धरणार

रायगड, रत्नागिरीसह पुणे, सातारा जिल्ह्याच्या घाटमाथ्यावर तुरळक ठिकाणी जोरदार पावसाचा 'ऑरेंज अलर्ट' आहे. खानदेश, मराठवाडा, पूर्व विदर्भात विजांसह पावसाची शक्यता असून, उर्वरित राज्यात हलक्या पावसाचा अंदाज हवामान विभागाने वर्तविला आहे.

जोरदार पावसाचा इशारा (ऑरेंज अलर्ट) :

रायगड, रत्नागिरी, पुणे, सातारा.

जोरदार पावसाचा इशारा (येलो अलर्ट) :

पालघर, ठाणे, मुंबई, सिंधुदुर्ग, कोल्हापूर, नांदेड, भंडारा, गोंदिया, गडचिरोली.

विजांसह पावसाचा इशारा (येलो अलर्ट) :

धुळे, जळगाव, नाशिक, जालना, परभणी, हिंगोली, लातूर, बुलडाणा, अमरावती, अकोला, वाशीम, यवतमाळ, वर्धा, नागपूर, चंद्रपूर.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com