Marathwada Weather Update : दोन दिवसांच्या उघडीपीनंतर राज्याच्या काही भागात आज हलक्या ते मध्यम सरी पडल्या. तर बहुतांशी ठिकाणी ढगाळ वातावरण होते. हवामान विभागाने उद्यापासून राज्याच्या काही भागात पावसाला सुरुवात होईल, असाही अंदाज व्यक्त केला. तर शुक्रवारपासून विदर्भ आणि मराठवाड्यात पावसाचा जोर काहीसा अधिक असेल, असाही अंदाज हवामान विभागाने दिला.
हवामान विभागाने आज विदर्भातील काही जिल्ह्यांमध्ये जोरदार पावसाचा अंदाज दिला होता. अमवरावती, यवतमाळ, नागपूर, चंद्रपूर, गडचिरोली, भंडारा आणि गोंदीया या जिल्ह्यांमध्ये काही ठिकाणी जोरदार पावसाचा येलो अलर्ट दिला होता. तर नाशिक, पुणे आणि पालघर जिल्ह्यांमध्येही काही ठिकाणी जोरदार पावसाचा अंदाज वर्तविला होता. तसेच राज्याच्या इतर भागात ठिकठिकाणी हलक्या ते मध्यम स्वरुपाच्या पावसाचा अंदाज होता.
उद्या म्हणजेच बुधवारी विदर्भातील चंद्रपूर, गडचिरोली आणि गोंदीया जिल्ह्यांमध्ये ठिकठिकाणी जोरदार पावसाचा अंदाज हवामान विभागाने दिला. राज्याच्या इतर भागात काही ठिकाणी हलक्या ते मध्यम पावसाचा अंदाजही हवामान विभागाने दिला. गुरुवारी परभणी, नांदेड, हिंगोली आणि यवतमाळ तसेच गडचिरोली आणि गोंदीया या जिल्ह्यांनाही काही ठिकाणी जोरदार पावसाचा अंदाज हवामान विभागाने दिला.
शुक्रवारी आणि शनिवारी राज्याच्या अनेक भागात पावसाला सुरुवात होईल, असाही अंदाज हवामान विभागाने दिला. पण विदर्भ आणि मराठवाड्यात पावसाचा जोर चांगला राहील. तर राज्याच्या इतर भागात हलक्या ते मध्यम पावसाचा अंदाज हवामान विभागाने दिला.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
