Weather Update Pune : मॉन्सूनच्या पावसाने जोर धरल्याने कोकण, घाटमाथ्यावर जलधारा कोसळत आहेत. राज्यातही हलक्या ते मध्यम सरी पडत आहेत. आज (ता. १) कोकण, घाटमाथ्यावर तुरळक ठिकाणी जोरदार पावसाचा, तर विदर्भात विजांसह पावसाचा इशारा (येलो अलर्ट) देण्यात आला आहे. तर उर्वरित राज्यात हलक्या ते मध्यम पावसाचा अंदाज हवामान विभागाने वर्तविला आहे.
उत्तर मध्य प्रदेश आणि लगतच्या भागात असलेले कमी दाबाचे क्षेत्र निवळून गेले आहे. दक्षिण उत्तर प्रदेश आणि परिसरावर समुद्र सपाटीपासून ५.८ किलोमीटर उंचीवर चक्राकार वारे वाहत आहेत.
वायव्य राजस्थानपासून उत्तर प्रदेशातील चक्राकार वारे, बिहार, पश्चिम बंगाल ते नागालॅण्डपर्यंत समुद्र सपाटीपासून ९०० मीटर उंचीवर हवेचा कमी दाबाचा पट्टा पूर्व-पश्चिम कायम आहे. दक्षिण गुजरातच्या किनाऱ्यालगत चक्राकार वारे वाहत आहेत. महाराष्ट्रापासून केरळपर्यंत किनाऱ्याला समांतर कमी दाबाचा पट्टा सक्रिय आहे.
मॉन्सूनने देशाचा बहुतांश भाग व्यापला आहे. पुढील दोन दिवसांत संपूर्ण देशात मॉन्सून दाखल होण्याची शक्यता आहे. राज्यात मॉन्सून सक्रिय असल्याने आज (ता. १) कोकणात पावसाचा जोर कायम राहील.
त्यासह पुणे आणि सातारा जिल्ह्यांच्या घाटमाथ्यावर तुरळक ठिकाणी जोरदार पावसाचा इशारा (येलो अलर्ट) आहे. विदर्भात विजांसह पावसाचा इशारा (येलो अलर्ट) असून, उर्वरित राज्यात हलक्या ते मध्यम पावसाचा अंदाज आहे.
जोरदार पावसाचा इशारा (येलो अलर्ट) :
पालघर, मुंबई, ठाणे, रायगड, रत्नागिरी, सिंधुदुर्ग, पुणे, सातारा
विजांसह पावसाचा इशारा (यलो अलर्ट) :
बुलडाणा, अकोला, अमरावती, वाशीम, यवतमाळ, वर्धा, नागपूर, भंडारा, गोंदिया, चंद्रपूर, यवतमाळ.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.