Maharashtra Rain: राज्यातील काही भागात पावसाचा अंदाज; उद्यापासून राज्यातील हवामान कसे राहील?

Pune News : राज्यातील काही भागात दोन दिवस पाऊस पडत आहे. पाऊस पडलेल्या भागात हवेतील गारवा वाढला होता. आजही बहुतांशी ठिकाणी ढगाळ वातावरण होते. हवामान विभागाने आजही अनेक भागात हलक्या पावसाचा अंदाज दिला होता.

राज्यातील मध्य महाराष्ट्र, मराठवड्यातील काही भागात कालपासून हलक्या पावसाने हजेरी लावली होती. पुणे जिल्ह्यातील खेड, शिरूर, नेवासा, वेल्हे, नगर जिल्ह्यातील नगर येथे हलक्या पावसाने हजेरी लावली होती.

तर मराठवड्यातील छत्रपती संभाजीनगर येथेही हलक्या सरी पडल्या. आजही काही ठिकाणी तुरळक पाऊस झाला होता. तर अनेक भागात ढगाळ वातावरण होते.

हवामान विभागाने आज कोकणातील पालघर, ठाणे, मुंबई, रायगड, रत्नागिरी, सिंधुदूर्ग जिल्ह्यात काही ठिकाणी हलक्या सरी पडतील तसेच ढगाळ हवामान राहील, असा अंदाज हवामान विभागाने दिला.

तसेच मध्य महाराष्ट्रातील धुळे, नंदूरबार, जळगाव, नाशिक, नगर, पुणे, कोल्हापूर, सातारा, सांगली, सोलापूर आणि मराठवड्यातील छत्रपती संभाजीनगर, जालना, बीड, लातूर, धाराशिव जिल्ह्यातील काही ठिकाणी हलक्या सरी पडतील, असा अंदाज हवामान विभागाने दिला. तर उद्यापासून राज्यात पुन्हा कोरडे हवामान राहील, असाही अंदाज हवामान विभागाने दिला.