Weather Update : मध्य महाराष्ट्र, मराठवाड्यात विजांसह पावसाचा अंदाज

Pune Weather Update : मॉन्सूनचे (Monsoon) आगमन लांबले असतानाच पूर्वमोसमी पावसाने उघडीप दिली आहे. मुंबई, कोकणासह तुरळक ठिकाणी हलक्या सरी पडत आहेत.

राज्यात उन्हाचा चटका वाढल्याने उन्हाच्या झळादेखील तापदायक ठरत आहेत. आज (ता. १६) मध्य महाराष्ट्र, मराठवाड्यात तुरळक ठिकाणी विजांसह पावसाचा अंदाज हवामान विभागाने वर्तविला आहे.

राज्याच्या कमाल तापमानात चढ-उतार सुरू आहे. गुरुवारी (ता. १५) सकाळपर्यंतच्या २४ तासांत विदर्भातील चंद्रपूर येथे उच्चांकी ४२.८ अंश सेल्सिअस, तर ब्रह्मपुरी येथे ४२.२ अंश सेल्सिअस तापमानाची नोंद झाली.

उर्वरित राज्यात तापमान ३६ ते ४२ अंशांच्या दरम्यान आहे. राज्यात जोरदार वारे वाहत असून, अंशतः ढगाळ हवामान होत आहे.

तळ कोकण, दक्षिण मध्य महाराष्ट्रात मॉन्सून दाखल झाला आहे. मात्र उर्वरित राज्यात तुरळक ठिकाणी हलक्या ते मध्यम पावसाने हजेरी लावली आहे.

तापमानातील वाढीमुळे उन्हाच्या चटका उकाडा कायम आहे. आज (ता. १६) मध्य महाराष्ट्र, मराठवाड्यात विजांसह पावसाची शक्यता हवामान विभागाने वर्तविली आहे.

गुरुवारी (ता. १५) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :
पुणे ३२.५ (२५.४), जळगाव ४०.७ (२७), धुळे ४०.५ (-), कोल्हापूर ३२.९ (२४.३), महाबळेश्‍वर २१ (१८.४), नाशिक ३३.५ (२५.३), निफाड ३४.४ (२६.२), सांगली ३४.५ (२४.२), सातारा ३२.२ (२५), सोलापूर ३८.९ (२४.८), सांताक्रूझ ३५.३ (२९.८), डहाणू ३४.३ (२८.४), रत्नागिरी ३२.९ (२५.५), छत्रपती संभाजीनगर ३६.८ (२२.७),

नांदेड - (२५.५), परभणी ३९.७ (२६), अकोला ४१.६ (२६.६), अमरावती ४१ (२६.१), बुलडाणा ३९ (२३.५), ब्रह्मपुरी ४२.२ (३०.२), चंद्रपूर ४२.८ (३०.२), गडचिरोली ४१.६ (२८.२), गोंदिया ४१.८ (२९), नागपूर ४१.९ (३०), वर्धा ४१.९ (३०), वाशीम ४१.२ (२३.६) यवतमाळ ४०.७ (२५.२).

उन्हाचा चटका अधिक असलेली ठिकाणे :
चंद्रपूर ४२.८, ब्रह्मपुरी ४२.२.