Pune News: राज्याच्या दक्षिण भागात मे महिन्यातच दाखल झालेल्या मॉन्सूनने दमदार हजेरी लावली आहे. आज (ता. २९) दक्षिण कोकण आणि पूर्व विदर्भात जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. तर घाटमाथ्यावर जोरदार सरींची शक्यता असल्याने, मराठवाडा आणि विदर्भात विजांसह पावसाची शक्यता असल्याने सतर्कतेचा इशारा (येलो अलर्ट) आहे. मध्य महाराष्ट्रात पावसाचा जोर ओसरण्याची शक्यता हवामान विभागाने वर्तविली आहे.
बंगालच्या उपसागरात ओडीशाच्या किनाऱ्यालगत असलेल्या प्रणालीची तीव्रता वाढल्याने या भागात ठळक कमी दाबाचे क्षेत्र सक्रिय झाले आहे. उत्तरेकडे सरकत असलेल्या या प्रणालीची तीव्रता आणखी वाढणार आहे. बुधवारी (ता. २८) सकाळपर्यंतच्या २४ तासांमध्ये कोकण, मध्य महाराष्ट्र, मराठवाडा आणि विदर्भात तुरळक ठिकाणी अतिवृष्टीची नोंद झाली. अहिल्यानगर जिल्ह्यातील चास येथे उच्चांकी १३० मिलिमीटर पाऊस पडला.
आज (ता. २९) कोकणातील रत्नागिरी, सिंधुदुर्ग तसेच विदर्भातील अमरावती, भंडारा, गोंदिया, चंद्रपूर जिल्ह्यांत जोरदार पावसाची शक्यता दक्षतेचा इशारा (ऑरेंज अलर्ट) देण्यात आला आहे. रायगडसह पुणे, सातारा आणि कोल्हापूर जिल्ह्यांच्या घाटमाथ्यावर जोरदार पावसाची शक्यता असल्याने, तसेच मराठवाडा, विदर्भात वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.
बुधवारी (ता. २८) सकाळपर्यंतच्या २४ तासांमध्ये राज्यात पडलेला पाऊस, मिलीमीटरमध्ये (सौजन्य : हवामान विभाग) :
- कोकण : लांजा ११०, वैभववाडी १००, देवगड ७०, संगमेश्वर ५०, रामेश्वर, रत्नागिरी ३०, सुधागड पाली, मालवण, कणकवली प्रत्येकी ३०.
- मध्य महाराष्ट्र : चास १३०, गगनबावडा ११०, अहिल्यानगर ७०, जत, राधानगरी प्रत्येकी ६०, चोपडा, सांगली प्रत्येकी ४०, कसबेडिग्रज, चिंचवड, वडगाव मावळ, कोल्हापूर, सोलापूर प्रत्येकी ३०.
- मराठवाडा : लातूर १२०, देगलूर ७०, मानवत, मुखेड, रेणापूर, अर्धापूर, अंबड, चाकूर, मंठा, भोकर, आष्टी प्रत्येकी ५०, पूर्णा, सेलू, देवणी, वाडवणी, धर्माबाद, धारूर प्रत्येकी ४०, किनवट, जळकोट, शिरूर अनंतपाळ, उमरी प्रत्येकी ३०.
- विदर्भ : आमगाव १२०, अकोट, बाळापूर, पातूर प्रत्येकी ६०, अकोला, अमरावती, उमरेड प्रत्येकी ५०, मूर्तिजापूर, भद्रावती, तेल्हारा, खामगाव, बार्शीटाकळी प्रत्येकी ३०.
बुधवारी (ता. २८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---२४.८---२१.९
अहिल्यानगर---२७.९---२२.४
धुळे---३७.०---१८.८
जळगाव---३७.५---२२.३
जेऊर---२८.५---२०.०
कोल्हापूर---२५.५---२०.७
महाबळेश्वर---२०.८---१७.९
नाशिक---२९.३---२३.६
निफाड---३०.७---२१.९
सांगली---२६.०---२१.१
सातारा---२८.४---२२.०
सोलापूर---३०.६---२२.४
सांताक्रूझ---२७.८---२३.६
डहाणू---२९.८---२५.१
रत्नागिरी---२६.२---२३.३
छत्रपती संभाजीनगर---३३.०---२२.०
धाराशिव---२८.२---२१.४
परभणी---३१.४---२२.०
परभणी (कृषी)---३१.३---२१.५
अकोला---३७.७---२३.४
अमरावती---३६.४---२१.७
बुलढाणा---३४.२---२३.६
ब्रह्मपुरी---३६.०---२३.६
चंद्रपूर---३७.०---२४.४
गडचिरोली---३२.०---२४.०
गोंदिया---३७.२---२३.६
नागपूर---३९.४---२५.४
वर्धा---३७.५---२४.२
वाशीम---३२.६---निरंक
यवतमाळ---३७.४---२३.०
जोरदार पावसाचा इशारा (ऑरेंज अलर्ट) :
रत्नागिरी, सिंधुदुर्ग, अमरावती, भंडारा, गोंदिया, चंद्रपूर.
जोरदार पावसाचा इशारा (येलो अलर्ट) :
रायगड, पुणे घाटमाथा, सातारा घाटमाथा, कोल्हापूर घाटमाथा.
विजांसह पावसाची शक्यता (येलो अलर्ट) :
जळगाव, छत्रपती संभाजीनगर, जालना, बीड, परभणी, हिंगोली, नांदेड, बुलडाणा, अकोला, वाशीम, यवतमाळ, वर्धा, नागपूर, गडचिरोली.
१०० मिलीमीटरपेक्षा अधिक पाऊस झालेली ठिकाणे :
चास ः १३० (जि. अहिल्यानगर), लातूर ः १२० (जि. लातूर), आमगाव ः १२० (जि. गोंदिया), गगनबावडा ः ११० (जि. कोल्हापूर), लांजा ः ११०, वैभववाडी ः १०० (जि. सिंधुदुर्ग)
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.