Monsoon Rain: माॅन्सूनचा प्रवास आजही खोळंबला; राज्यात पावसाचा जोर पुढील ५ दिवस कमीच राहण्याची शक्यता

Pune News: माॅन्सूनने आजही प्रगती केली नाही. माॅन्सून दोन दिवस एकाच भागात मुक्कावर होता. तर राज्यातील काही भागात पावसाचा अंदाज आहे. विदर्भात मात्र पुढील ५ पावसाचा जोर काहीसा अधिक राहण्याची शक्यता आहे, असा अंदाज हवामान विभागाने दिला. 

माॅन्सूनने आज प्रगती केली नाही, त्यामुळे माॅन्सूनची सिमा आजही मुंबई, अहिल्यानगर, आदीलाबाद, भवानीपटना, पुरी आणि बालूरघाट भागात होती. माॅन्सूनच्या प्रगतीसाठी पोषक हवामान आहे. मात्र माॅन्सून पुढील २ दिवसांत पश्चिम बंगाल आणि ओडिशाच्या काही भागात प्रगती करेल, असा अंदाज हवामान विभागाने दिला. 

राज्यात कालपासून पावसाचा जोर कमी झाला आहे.राज्यातील अनेक भागात हलक्या सरी झाल्या तर काही भागात पावसाची उघडीप होती. मध्य महाराष्ट्र, मराठवाडा आणि कोकणात पावसाचा जोर काहीसा कमी झाला आहे. पुढील ५ दिवस विदर्भ वगळता पाऊस कमीच राहू शकतो, असा अंदाज हवामान विभागाने दिला. 

हवामान विभागाने राज्यातील काही भागात पुढील ५ दिवस पावसाचा अंदाज दिला. विदर्भातील जिल्ह्यांमध्ये ५ दिवस काही ठिकाणी जोरदार पावसाचा येलो अलर्ट देण्यात आळा. पूर्व विदर्भात पावसाचा जोर काहीसा अधिक राहण्याची शक्यता आहे.

तर मराठवाडा आणि मध्य महाराष्ट्रातील जिल्ह्यांमध्ये पुढील ५ दिवस काही ठिकाणी हलक्या ते मध्यम पावसाचा अंदाज आहे. कोकणातही पावसाचा जोर कमीच राहण्याची शक्यता आहे. मात्र सिंधुदूर्ग आणि रत्नागिरी जिल्ह्यात काही ठिकाणी जोरदार पावसाचा अंदाज हवामान विभागाने दिला.